Surat Crime News: અત્યંત ચકચારી દલાલ હત્યા કેસમાં આરોપી ઈસ્માઈલના 5 દિવસના રિમાન્ડના આદેશ

author img

By ETV Bharat Gujarati Desk

Published : Feb 12, 2024, 3:03 PM IST

અત્યંત ચકચારી દલાલ હત્યા કેસમાં આરોપી ઈસ્માઈલના 5 દિવસના રિમાન્ડના આદેશ

સુરતના ઓલપાડ ટાઉનના પરા મહોલ્લાનો માથાભારે જમીન દલાલ અંજરઅલી મલેકની હત્યાથી ચકચાર મચી ગઈ હતી. આ ચકચારી હત્યા પ્રકરણમાં સોપારી આપનાર ઈસ્માઈલ ઘોડાવાલા શેખના 5 દિવસના રિમાન્ડનો આદેશ કોર્ટે આપ્યો છે. જો કે પોલીસે આરોપીના 10 દિવસના રિમાન્ડની માંગણી કરી હતી...Surat Olpad Real Estate Broker Murder Case

પોલીસે આરોપીના 10 દિવસના રિમાન્ડની માંગણી કરી હતી

સુરતઃ ઓલપાડના જમીન દલાલ અંજરઅલી મલેકની સોપારી આપીને હત્યા કરાઈ હોવાનું બહાર આવ્યું છે. પોલીસે આ ચકચારી કેસમાં સોપારી આપનારા ઈસ્માઈલ ઘોડાવાલા શેખની ધરપકડ કરી લીધી છે. પોલીસે કોર્ટ સમક્ષ આરોપીને રજૂ કરીને 10 દિવસના રિમાન્ડ માંગ્યા જો કે કોર્ટે 5 દિવસના રિમાન્ડના આદેશ આપ્યા છે.

પોલીસે 10 દિવસના રિમાન્ડ માંગ્યાઃ પોલીસે અંજરની હત્યાની સોપારી આપનાર મુખ્ય સુત્રધાર ઈસ્માઇલ ઉર્ફે ઘોડાવાલા અહમદ શેખને સુરત ખાતેના કેબલ બ્રિજ ઉપરથી ધરપકડ કરી હતી. જે ધરપકડ બાદ પોલીસે રવિવારે આરોપીને ઓલપાડ કોર્ટના જ્યુડિશિયલ મેજિસ્ટ્રેટ સમક્ષ રજૂ કર્યો હતો. પોલીસે 10 દિવસના રિમાન્ડની માંગણી કરી હતી, પરંતુ તે સમયે આરોપીના બચાવ પક્ષના વકીલો કલ્પેશ દેસાઈ તથા ઝફર બેલાવાલાએ રિમાન્ડ અરજીનો વિરોધ કરી ઈસ્માઈલ ઘોડાવાલાના રિમાન્ડ નામંજૂર કરવા વિવિધ મુદ્દાઓની રજૂઆત કરી હતી. જો કે નામદાર કોર્ટે બંન્ને વકીલોની દલીલો ખારીજ કરી આરોપીના 5 દિવસના પોલીસ કસ્ટડી રિમાન્ડ મંજૂર કર્યા હતા.

અગાઉના 3 આરોપી પોલીસ કસ્ટડીમાંઃ પોલીસ સૂત્રો પાસેથી પ્રાપ્ત માહિતી અનુસાર ઓલપાડના અંજરઅલી હૈદરઅલી મલેકની હત્યા પ્રકરણમાં અગાઉ પોલીસે એક બાળકિશોર આરોપી સહિત 3 આરોપીઓની ધરપકડ કરી હતી. આ 3 આરોપીઓના 7 દિવસના પોલીસ રિમાન્ડ પૂરા થતા હાલ ત્રણે આરોપીઓ જ્યુડિશિયલ કસ્ટડી હેઠળ લાજપોર સેન્ટ્રલ જેલમાં હવા ખાઈ રહ્યા છે.

સુરત જિલ્લા પોલીસે ચોક્કસ બાતમીના આધારે આ ગુનાના આરોપી ઈસ્માઇલ ને ઝડપી લીધો હતો. આરોપીને પોલીસે કોર્ટમાં રજૂ કર્યો હતો. કોર્ટે આરોપીના 5 દિવસના રિમાન્ડ મંજૂર કર્યા છે...સી.બી. ચૌહાણ(ઈન્ચાર્જ પીઆઈ, ઓલપાડ પોલીસ સ્ટેશન, સુરત)

  1. Harni Boat Accident Updates: ફરાર આરોપી ધર્મીલ અને દિપેન શાહની ધરપકડ, 6 દિવસના રિમાન્ડના આદેશ
  2. Hate Speech Case: ભચાઉ કોર્ટે મૌલાના અઝહરીના 3 દિવસના રિમાન્ડનો આદેશ કર્યો
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.