Surat: ખોટી શૈક્ષણિક લાયકાત દર્શાવી મેળવી સફાઈ કામદારની નોકરી, 5 સામે ફરિયાદ

author img

By ETV Bharat Gujarati Desk

Published : Feb 9, 2024, 1:25 PM IST

સુરત મહાનગર પાલિકા

સુરતમાં મહાનગરપાલિકા દ્વારા વર્ષ 2012માં બહાર પાડવામાં આવેલી સફાઈ કામદાર અને બેલદારની ભરતીમાં શૈક્ષણિક લાયકાત છુપાવીને મનપામાં નોકરી મેળવનાર મહિલા સહિત પાંચ સામે પોલીસ મથકમાં ફરિયાદ દાખલ કરવામાં આવી છે. શું છે સમગ્ર મામલો જાણો વિસ્તારથી..

સુરત: સુરતમાં મહાનગરપાલિકામાં સફાઈ કામદાર અને બેલદારની નોકરી મેળવવામાં કેટલાંક લોકોએ ગેરરીતી આચરી હોવાનું સામે આવ્યું છે. ઓલપાડના જહાંગીરપુરા રોડ પર આવેલા સંગીની સાકાર એપાર્ટમેન્ટમાં 1 રહેતા 32 વર્ષીય ધવલ રાજેશભઈ મોદી સુરત મહાનગરપાલિકાની મુગલીસરા મેઈન ઓફિસમાં પર્સનલ ઓફિસર તરીકે ફરજ બજાવે છે. તેમણે પોલીસ મથકમાં ફરિયાદ નોંધાવી છે કે, કેટલાંક લોકોએ બેલદારની ભરતીમાં પોતાની શૈક્ષણિક લાયકાત છુપાવીને મનપામાં નોકરી મેળવી છે. પાલિકા દ્વારા ગત તા.8 મે 2012ના રોજ સફાઈ કામદાર, ડ્રેનેજ તથા બેલદારની ભરતીની જાહેરાત બહાર પાડવામાં આવી હતી.

બોગસ સર્ટી દ્વારા મેળવી નોકરી: સફાઈ કામદાર અને બેલદાર માટે શૈક્ષણિક લાયકાત ધો.2 થી 4 પાસ અને વધુમાં વધુ ધો-9 પાસ સુધી રાખવામા આવી હતી. આ નોકરી મેળવવા માટે 12 પાસ રાહુલકુમાર કાંતી મકવાણાએ ધો-7નું ખોટું લીવીંગ સર્ટી રજૂ કર્યુ, જ્યારે 12 પાસ હિતેશકુમાર ચતુર પટેલે પણ ધો-7 પાસનું લીવીંગ સર્ટી રજૂ કર્યું તેમજ વિશાલકુમાર શંકર પટેલ એ પણ ધો-12 પાસ હોવા છતાં ધોરણ 7 પાસનું સર્ટી રજુ કરીને નોકરી મેળવી હોવાનું બહાર આવ્યું છે.

કોણ છે આરોપીઓ

  1. રાહુલકુમાર કાંતી મકવાણા
  2. હિતેશકુમાર ચતુર પટેલ
  3. વિશાલકુમાર શંકર પટેલ
  4. દેવેનકુમાર હિતેન્દ્ર ચૌહાણ
  5. ધર્મિષ્ઠાબેન દિનેશકુમાર પરમાર

કેવી રીતે ફુટ્યો ભાંડો: આ અંગે લાલગેટના પીઆઈ એન.એમ.ચૌધરીએ જણાવ્યુ હતુ કે, આ ત્રણેય વ્યક્તિએ પોતાની શૈક્ષણિક લાયકાત છુપાવીને નોકરી મેળવી અને મનપા સાથે પણ છેતરપિંડી આચરી. આ મામલે પર્સનલ ઓફિસર ધવલ મોદીએ ત્રણેય લોકો સામે લાલગેટ પોલીસ મથકમાં ફરિયાદ નોંધાવી હતી. ઓડીટ દરમિયાન ડોક્યુમેન્ટની ચકાસણી કરવામાં આવી હતી ત્યારે આ ભોપાળુ બહાર આવ્યું હતું. જયારે બીજા બનાવમાં પણ ધવલ મોદીએ દેવેનકુમાર હિતેન્દ્ર ચૌહાણ અને ધર્મિષ્ઠાબેન દિનેશકુમાર પરમાર સામે લાલગેટ પોલીસ મથકમાં ફરિયાદ નોંધાવી હતી જેમાં પણ આ બંને જણાએ આજ રીતે પોતાની શૈક્ષણિક લાયકાત છુપાવીને સુરત મનપામાં નોકરી મેળવી લીધાનું જણાયું હતું.

  1. Vadodara Raid : વડોદરા જિલ્લામાં પુરવઠા વિભાગની તવાઈ, પાલડી ગામે ઘઉંનો લાઈવ સ્ટોકમાં ઝોલ
  2. Ambaji: ગંદકીથી ખદબદતું અંબાજી ગામ, સ્વચ્છતા અને સુવિધાની વાતો માત્ર કાગળ પર
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.