નવી દિલ્હીઃ IPLની 20મી મેચ મુંબઈ ઈન્ડિયન્સ અને દિલ્હી કેપિટલ્સ વચ્ચે રમાશે. આ મેચ માટે બંને ટીમો સંપૂર્ણ રીતે તૈયાર છે. હાર્દિક પંડ્યાની આગેવાની હેઠળની મુંબઈ આ સિઝનની તેની પ્રથમ જીત માટે ઉત્સુક છે, જ્યારે દિલ્હી કેપિટલ્સે પણ માત્ર એક જ મેચ જીતી છે. બંને ટીમો વચ્ચે સામાન્ય બાબત એ છે કે બંને અત્યાર સુધીમાં ત્રણ-ત્રણ મેચ હારી ચૂકી છે.
સૂર્યકુમાર યાદવની વાપસી થઈ શકે છે: જ્યારે મુંબઈ ઈન્ડિયન્સ દિલ્હી સામે રમવા આવશે ત્યારે તેમાં મોટો ફેરફાર જોવા મળી શકે છે. નંબર વન ટી20 બેટ્સમેન સૂર્યકુમાર યાદવ મુંબઈના પ્લેઈંગ-11નો ભાગ બની શકે છે. રોહિત શર્મા અને હાર્દિક પંડ્યાનું ફોર્મ પણ મુંબઈ માટે ચિંતાનો વિષય છે. ટીમ ઈચ્છે છે કે બંને ખેલાડીઓ પોતાનું સર્વશ્રેષ્ઠ પ્રદર્શન કરે. રોહિત શર્મા આ સિઝનમાં અત્યાર સુધી લાંબી ઇનિંગ્સ રમી શક્યો નથી.
માર્શનું ફોર્મ દિલ્હી માટે ચિંતાનો વિષય: દિલ્હીની વાત કરીએ તો કેપ્ટન રિષભ પંતનું ફોર્મમાં છે. અકસ્માતની ઈજામાંથી સાજા થયા બાદ પંતે સતત બે અડધી સદી ફટકારી છે. પંતે આ સિઝનમાં અત્યાર સુધી 4 મેચમાં 38ની એવરેજથી 159 રન બનાવ્યા છે. આ સિવાય ડેવિડ વોર્નર પણ ઓપનિંગમાં શાનદાર બેટિંગ કરી રહ્યો છે. માર્શનું ફોર્મ ચોક્કસપણે દિલ્હી માટે ચિંતાનો વિષય છે.
હેડ ટુ હેડ: બંને ટીમો હવે જીતની રાહ જોઈ રહી છે. દિલ્હી કેપિટલ્સ અને મુંબઈ વચ્ચે અત્યાર સુધીમાં 33 મેચ રમાઈ છે જેમાં મુંબઈએ 18 અને દિલ્હીએ 15 મેચ જીતી છે. પીચની વાત કરીએ તો આ પીચ બેટિંગ માટે જાણીતી છે.
બંને ટીમોના સંભવિત પ્લેઈંગ 11:
દિલ્હી કેપિટલ્સ: રિષભ પંત (વિકેટકીપર/કેપ્ટન), પૃથ્વી શો, ડેવિડ વોર્નર, મિશેલ માર્શ, ટ્રીસ્ટન સ્ટબ્સ, અક્ષર પટેલ, સુમિત કુમાર, રસિક દાર સલામ, એનરિક નોર્ટજે, ઈશાંત શર્મા, ખલીલ અહેમદ.
મુંબઈ ઈન્ડિયન્સ: હાર્દિક પંડ્યા (કેપ્ટન), ઈશાન કિશન, રોહિત શર્મા, સૂર્યકુમાર યાદવ, તિલક વર્મા, ટિમ ડેવિડ, ગેરાલ્ડ કોએત્ઝી, શમ્સ મુલાની, પીયૂષ ચાવલા, જસપ્રિત બુમરાહ, ક્વેના માફાકા.
