Jharkhand new cm champai soren: જાણો કોણ છે ઝારખંડના નવા મુખ્યમંત્રી ચંપઈ સોરેન

author img

By ETV Bharat Gujarati Desk

Published : Feb 1, 2024, 9:57 AM IST

ઝારખંડના નવા મુખ્યમંત્રી ચંપઈ સોરેન

ઝારખંડના મુખ્યપ્રધાન પદેથી હેમંત સોરેનના રાજીનામા બાદ હવે ચંપઈ સોરેન ઝારખંડના નવા મુખ્યમંત્રી બન્યા છે. તેમને ધારાસભ્ય દળની બેઠકમાં નેતા તરીકે પસંદ કરવામાં આવ્યા છે. ચંપઈ સોરેન સોરેન પરિવારની ખૂબ નજીક માનવામાં આવે છે. તેથી હેમંત સોરેનના રાજીનામા બાદ સોરેન પરિવારે તેમના પર વિશ્વાસ વ્યક્ત કર્યો છે.

રાંચી: સીએમ હેમંત સોરેનના રાજીનામા બાદ ચંપઈ સોરેન ઝારખંડના નવા મુખ્યમંત્રી બન્યા છે. તેમને ધારાસભ્ય દળની બેઠકમાં નેતા તરીકે પસંદ કરવામાં આવ્યા છે. ચંપઈ સોરેન સોરેન પરિવારની ખૂબ નજીક માનવામાં આવે છે. તેથી હેમંત સોરેનના રાજીનામા બાદ સોરેન પરિવારે તેમના પર વિશ્વાસ વ્યક્ત કર્યો છે.

ઝારખંડમાં મોટું નામ: ચંપાઈ સોરેન સતત 4 વખત સરાઈકેલા વિધાનસભા વિસ્તાર માંથી પ્રતિનિધિત્વ કરી રહ્યા છે, આ પહેલા તેમને વર્ષ 2000માં હારનો સામનો કરવો પડ્યો હતો. ભાજપના તત્કાલીન ઉમેદવાર અનંત રામ ટુડુએ તેમને હરાવ્યા હતા. ત્યારથી તેઓ સતત વિધાનસભાની ચૂંટણી જીતી રહ્યા છે. વર્ષ 2010, 2013 અને 2019માં તેઓ ઝારખંડ સરકારમાં કેબિનેટ મંત્રી બન્યા.

સામાન્ય પરિવારમાંથી આવતા ચંપઈ: ચંપાઈ સોરેન એક સામાન્ય ખેડૂત પરિવારમાંથી આવે છે, ચંપાઈ સોરેન તેના ચાર ભાઈ-બહેનોમાં સૌથી મોટા છે. તેમના પિતા સરાઈકેલા-ખારસાવા જિલ્લામાં આવેલા જીલિંગગોરા ગામમાં ખેતી કરતા હતા. ચંપઈ પણ પોતાના પિતાને મદદ કરતા હતાં ચંપઈએ 10મા ધોરણ સુધી સરકારી શાળામાં અભ્યાસ કર્યો હતો. દરમિયાન, નાની ઉંમરમાં તેમના લગન માનકો સાથે થઈ ગયાં. લગ્ન પછી ચંપઈને 3 પુત્ર અને 2 પુત્રીના પિતા બન્યા.

ઝારખંડ ચળવળમાં મહત્વની ભૂમિકા ભજવી: ચંપઈ સોરેનનું પણ ઝારખંડ આંદોલનમાં મોટું યોગદાન છે. જ્યારે અલગ ઝારખંડ રાજ્યની માંગ વધવા લાગી અને આંદોલન શરૂ કરવામાં આવ્યું. ત્યારે ચંપઈ પણ ઝારખંડમાં શિબુ સોરેન સાથે આંદોલનમાં જોડાઈ ગયાં, ટૂંક સમયમાં જ તે 'ઝારખંડ ટાઈગર'ના નામથી પ્રખ્યાત થઈ ગયા. ત્યાર બાદ ચંપાઈ સોરેને સરાઈકેલા બેઠક પરથી પેટાચૂંટણીમાં અપક્ષ ધારાસભ્ય બનીને રાજકીય કારકિર્દીની શરૂઆત કરી. આ પછી તેઓ ઝારખંડ મુક્તિ મોરચામાં જોડાયા.

ભાજપ સરકારમાં રહ્યાં મંત્રી: 2010 થી 2013 સુધી ભાજપના નેતા અર્જુન મુંડાની 2 વર્ષ અને 129 દિવસની સરકાર દરમિયાન, તેમને કેબિનેટ મંત્રી બનાવવામાં આવ્યા હતા અને મહત્વપૂર્ણ મંત્રાલયો આપવામાં આવ્યા હતા. ચંપઈ સોરેન 11 સપ્ટેમ્બર 2010 થી 18 જાન્યુઆરી 2013 સુધી મંત્રી હતા. આ પછી ઝારખંડમાં રાષ્ટ્રપતિ શાસન લાદવામાં આવ્યું હતું. પરંતુ પછી જેએમએમની સરકાર બની અને તેમને ખાદ્ય, નાગરિક પુરવઠા અને પરિવહન મંત્રાલયનો હવાલો આપવામાં આવ્યો. તેઓ 13 જુલાઈ 2013 થી 28 ડિસેમ્બર 2014 સુધી મંત્રી રહ્યા.

ઝારખંડના મુખ્યમંત્રી પદનો પદભાર: ત્યાર બાદ જ્યારે 2019 માં ફરીથી JMM સરકાર બની અને હેમંત સોરેન રાજ્યના મુખ્યમંત્રી બન્યા, ત્યારે તેમને ફરીથી મંત્રી બનાવવામાં આવ્યા. આ વખતે તેમને પરિવહન, અનુસૂચિત જનજાતિ, અનુસૂચિત જાતિ અને પછાત વર્ગ કલ્યાણ મંત્રી બનાવવામાં આવ્યા છે. આ સાથે ચંપઈ સોરેન જેએમએમના ઉપાધ્યક્ષ પણ છે. જમીન કૌભાંડ કેસમાં EDની તપાસ બાદ હવે જ્યારે સીએમ હેમંત સોરેને રાજ્યપાલને પોતાનું રાજીનામું સુપરત કર્યું છે, ત્યારે તેમને ઝારખંડના નવા મુખ્યમંત્રી તરીકે પસંદ કરવામાં આવ્યા છે.

  1. Hemant Soren in ED custody: ઝારખંડના પૂર્વ મુખ્યમંત્રી હેમંત સોરેનની ED દ્વારા ધરપકડ
  2. CM Hemant Soren resigned: મુખ્યમંત્રી હેમંત સોરેને આપ્યું રાજીનામુ, ચંપાઈ સોરેન આગામી મુખ્યમંત્રી હશે
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.