દમણ: કેન્દ્ર શાસિત દમણ દીવ લોકસભાના ઉમેદવાર માટે ભાજપ દ્વારા ઉમેદવારના નામ જાહેર કરવામાં આવ્યા છે. જેમાં દમણ દિવ માટે લાલુભાઈ પટેલને રિપીટ કરાયા છે. લાલુભાઈ પટેલ આ વખતે ચોથી વાર લોકસભા સીટની ચૂંટણી લડવાના છે. આ પહેલા તેઓ સતત 3 ટર્મથી જીતતા આવ્યા છે.
પોતાની ખુશી વ્યક્ત કરતા લાલુ પટેલે જણાવ્યું હતું કે, લોકોના આશીર્વાદથી અને ભાજપનો તેનામાં રહેલો વિશ્વાસ તેમને આ ટિકિટ અપાવવામાં મહત્વ સાબિત થયો છે. આ વખતે મોદી સરકારનો 400 પારનો નારો છે જેમાં દમણ દિવ પ્રથમ સીટ હશે. તેઓએ આ વિસ્તારમાં અનેક વિકાસના કાર્ય કર્યા છે. આવનારા સમયમાં પણ ફરી ચોક્કસ વિજય મેળવશે અને જનતાના કામ કરતા રહેશે.
કાર્યકરોમાં ખુશીનો માહોલ: લાલુભાઈને ચોથી વાર ઉમેદવાર જાહેર કરતા તેમના પરિવારજનોમાં અને કાર્યકરોમાં ખુશીનો માહોલ જોવા મળ્યો હતો. તેમના પત્નીએ તેમને મીઠાઈ ખવડાવી મોઢું મીઠું કરાવ્યું હતું.
ઉલ્લેખવનીય છે કે દમણ-દિવ બેઠક પરથી કોંગ્રેસના મહાસચિવ પ્રિયંકા ગાંધી પણ ચૂંટણી લડી શકે છે તેવી ચર્ચા ચાલી રહી છે.
