Fighter Box Office Collection : બોક્સઓફિસ પર ફાઈટ ન આપી શક્યું 'ફાઈટર', જાણો હૃતિક-દિપિકાની ફિલ્મનું કલેક્શન

author img

By ETV Bharat Gujarati Desk

Published : Jan 31, 2024, 9:57 AM IST

બોક્સઓફિસ પર ફાઈટ ન આપી શક્યું 'ફાઈટર'

હૃતિક રોશન-દીપિકા પાદુકોણ સ્ટારર ફિલ્મ ફાઈટર બોક્સઓફિસ પર ખરાબ રીતે પટકાઈ છે. છઠ્ઠા દિવસનો કલેક્શન રિપોર્ટ સામે આવ્યો છે. ટ્રેડ રિપોર્ટ્સ અનુસાર મંગળવારે ફરી એકવાર ફિલ્મના બિઝનેસને અસર થઈ છે. ચાલો જાણીએ છઠ્ઠા દિવસે ફાઈટરે કેટલું કલેક્શન કર્યું...

મુંબઈ : રિતિક રોશન અને દીપિકા પાદુકોણ સ્ટારર ફિલ્મ ફાઈટરએ બોક્સ ઓફિસ પર શાનદાર ઓપનિંગ કરી હતી. ફિલ્મે પહેલા વીકેન્ડમાં 100 કરોડનો આંકડો પાર કરી લીધો હતો. પરંતુ સોમવારે સિદ્ધાર્થ આનંદ દ્વારા નિર્દેશિત ફિલ્મના કલેક્શનમાં ઘટાડો જોવા મળ્યો હતો. મંગળવારે પણ કલેક્શનમાં ઘટાડા સાથે આ ટ્રેન્ડ યથાવત રહ્યો હતો.

Sacknilk ના રિપોર્ટ અનુસાર Fighter તેની રિલીઝના છઠ્ઠા દિવસે લગભગ 7.75 થી 8 કરોડ રૂપિયાની કમાણી કરી છે, જે તેના બોક્સ ઓફિસ પ્રદર્શન માટે ચિંતાજનક બાબત છે. મંગળવારે કુલ મળીને 12.77 ટકા એકયૂપેસી મેળવી હતી, જે આગામી દિવસોમાં તેની ક્ષમતા માટે ચિંતાજનક છે.

પાછલા દિવસોના કલેક્શન પર નજર કરીએ તો ફિલ્મે પહેલા દિવસે 24.26 કરોડની કમાણી કરી હતી. તે જ સમયે 26 જાન્યુઆરીના ગણતંત્ર દિવસના અવસર પર ફિલ્મના કલેક્શનમાં સારો વધારો નોંધવામાં આવ્યો હતો. સિદ્ધાર્થ આનંદની ફિલ્મે રિલીઝના બીજા દિવસે 41.20 કરોડની કમાણી કરી હતી. જો કે આ પછી ફિલ્મના કલેક્શનનો ગ્રાફ સતત નીચે જતો રહ્યો. શનિવારે રૂ. 27.60 કરોડ, રવિવારે રૂ. 30.20 કરોડ અને સોમવારે રૂ. 8 કરોડની કમાણી કરી હતી. ફિલ્મનું કુલ કલેક્શન 5 દિવસમાં 131 કરોડ રૂપિયાથી વધીને 132 કરોડ રૂપિયા થઈ ગયું છે. મંગળવારના 7.75 કરોડ રૂપિયાના કલેક્શન બાદ ભારતીય બોક્સ ઓફિસ પર ફિલ્મની કમાણી 138.75 રૂપિયાથી વધીને 139.75 કરોડ રૂપિયા થઈ ગઈ છે.

ફાઈટરમાં હૃતિક રોશન સ્ક્વોડ્રન લીડર શમશેર પઠાનિયા ઉર્ફે પૈટી, જ્યારે દીપિકા પાદુકોણ સ્ક્વોડ્રન લીડર મીનલ રાઠોડ ઉર્ફે મીન્ની અને અનિલ કપૂર ગ્રુપ કેપ્ટન રાકેશ જયસિંહ ઉર્ફે રોકીની ભૂમિકા ભજવતા નજરે આવ્યા હતા. આ તમામ પાત્રો દેશ માટે લડતા લોકોની આસપાસ ફરે છે. આ ફિલ્મ હૃતિક અને દીપિકા વચ્ચે પ્રથમ ઓન-સ્ક્રીન કોલૈબોરેશન છે. આ ફિલ્મ 25 જાન્યુઆરીએ સિનેમાઘરોમાં રિલીઝ થઈ હતી.

  1. Bade Miyan Chote Miyan Teaser : અક્ષય અને ટાઇગરે ચાહકોને કર્યાં ખુશ, બડે મિયાં છોટે મિયાંનું ટીઝર આઉટ
  2. ફિલ્મ 'ફાઈટર'નું ટીઝર રિલીઝ, હૃતિક અને દીપિકા વચ્ચે હોટ કેમેસ્ટ્રી જોઈને ફેન્સે કહ્યું- આ ફિલ્મ તો હિટ છે
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.