CM Arvind Kejriwal: કેજરીવાલે સુપ્રીમ કોર્ટમાં કહ્યું - વીડિયો રીટ્વીટ કરીને ભૂલ કરી

author img

By ETV Bharat Gujarati Team

Published : Feb 26, 2024, 4:29 PM IST

Etv Bharat

દિલ્હીના સીએમ અરવિંદ કેજરીવાલે સુપ્રીમ કોર્ટને કહ્યું છે કે બીજેપી આઈટી સેલ સંબંધિત એક વીડિયોને રીટ્વીટ કરીને તેમણે ભૂલ કરી છે. તમને જણાવી દઈએ કે દિલ્હી હાઈકોર્ટે આ મામલામાં પોતાના નિર્ણયમાં કહ્યું હતું કે કથિત અપમાનજનક સામગ્રીને ફરીથી પોસ્ટ કરવા પર માનહાનિ કાયદો લાગુ થશે.

નવી દિલ્હી: દિલ્હીના મુખ્યપ્રધાન અરવિંદ કેજરીવાલે સોમવારે સુપ્રીમ કોર્ટમાં જણાવ્યું હતું કે યુટ્યુબર ધ્રુવ રાઠીના ભાજપના આઇટી સેલથી સંબંધિત કથિત અપમાનજનક વીડિયોને રીટ્વીટ કરીને તેમણે ભૂલ કરી છે. દિલ્હી હાઈકોર્ટના આદેશને પડકારતી કેજરીવાલની અરજી પર નોટિસ જારી કર્યા વિના, ન્યાયાધીશ સંજીવ ખન્ના અને દીપાંકર દત્તાની બેન્ચે ફરિયાદીને પૂછ્યું કે શું તેઓ મુખ્ય પ્રધાનની માફી પછી કેસ બંધ કરવા માગે છે.

હાઈકોર્ટે કેજરીવાલને અપરાધિક માનહાનિના કેસમાં આરોપી તરીકે જારી કરાયેલા સમન્સને યથાવત રાખ્યો હતો. સુપ્રીમ કોર્ટની બેન્ચે નીચલી કોર્ટને કેજરીવાલ સાથે સંબંધિત માનહાનિના કેસની સુનાવણી 11 માર્ચ સુધી ન કરવા પણ કહ્યું હતું. કેજરીવાલ તરફથી હાજર રહેલા વરિષ્ઠ વકીલ અભિષેક સિંઘવીએ કહ્યું, 'હું એટલું જ કહીશ કે મેં રીટ્વીટ કરીને ભૂલ કરી છે.' હાઈકોર્ટે 5 ફેબ્રુઆરીના તેના નિર્ણયમાં કહ્યું હતું કે જો કથિત અપમાનજનક સામગ્રી ફરીથી પોસ્ટ કરવામાં આવશે તો માનહાનિ કાયદો લાગુ થશે.

મુખ્યમંત્રીએ હાઈકોર્ટને કહ્યું હતું કે નીચલી અદાલત એ સમજવામાં નિષ્ફળ ગઈ છે કે તેમના ટ્વીટનો હેતુ ફરિયાદી વિકાસ સાંકૃત્યયનને નુકસાન પહોંચાડવાનો ન હતો. હાઈકોર્ટ સમક્ષ કેજરીવાલની અરજીમાં કહેવામાં આવ્યું છે કે ગૌણ અદાલતે સમન્સ જારી કરવા માટે કોઈ કારણ ન સોંપવામાં ભૂલ કરી હતી અને આદેશો પ્રથમ દૃષ્ટિએ ન્યાયિક વિવેકબુદ્ધિને અનુરૂપ ન હતા. સાંકૃત્યાયને દાવો કર્યો હતો કે 'BJP IT સેલ ભાગ II' નામનો યુટ્યુબ વીડિયો જર્મની સ્થિત રાઠી દ્વારા પ્રસારિત કરવામાં આવ્યો હતો, 'જેમાં ઘણા ખોટા અને બદનક્ષીભર્યા આક્ષેપો કરવામાં આવ્યા હતા.'

  1. Excise Policy Case : દિલ્હી એક્સાઇઝ પોલિસી કૌભાંડ કેસ, સંજયસિંહની જામીન અરજી પર સુપ્રીમ કોર્ટે ઈડી પાસે જવાબ તલબ કર્યો
  2. Bharat Tex 2024 : પીએમ મોદી દ્વારા ભારત ટેક્સ 2024 નો પ્રારંભ, શું છે આ ઇવેન્ટ સમજો
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.