હૈદરાબાદ: કેન્દ્ર સરકારના સહયોગથી ભારતીય પુરાતત્વ સર્વેક્ષણના નેજા હેઠળ ઐતિહાસિક ગોલકોંડા ફોર્ટ ખાતે લાઇટ એન્ડ સાઉન્ડ શો શરૂ થયો છે. જેને એક લાખ ચોરસ વર્ગ મીટરના વિસ્તારમાં આવરી લેવામાં આવ્યો છે. આ કાર્યક્રમમાં મુખ્ય અતિથિ તરીકે કેન્દ્રીય મંત્રી કિશન રેડ્ડી, ફિલ્મ અભિનેતા ચિરંજીવી, રાજ્યસભાના સાંસદ અને ફિલ્મ લેખક વિજયેન્દ્ર પ્રસાદ હતા. ભાવિ પેઢીને ગોલકોંડાનો ઈતિહાસ જણાવવા માટે 30 મિનિટ અને 20 સેકન્ડનો એક વીડિયો પણ બતાવવામાં આવ્યો હતો. બાદમાં આ વીડિયો ગોલકોંડા કિલ્લામાં બતાવવામાં આવ્યો હતો.
કેન્દ્રીય મંત્રી કિશન રેડ્ડીએ કહ્યું કે મોદી સરકાર દેશમાં પર્યટનને વધુ વિકસાવવા માટે કામ કરી રહી છે. આ ક્રમમાં હૈદરાબાદના ગોલકોંડા ફોર્ટ ખાતે લાઇટ એન્ડ સાઉન્ડ શોનું ઉદ્ઘાટન કરવામાં આવ્યું છે. કિશન રેડ્ડીએ ઉમેર્યું હતું કે, કેન્દ્ર સરકારના પ્રયાસોથી આવનારી પેઢીઓ આપણા મહાન ઇતિહાસ જાણી શકશે. આ પ્રસંગેે કેન્દ્રીય મંત્રી કિશન રેડ્ડીએ કહ્યું કે ઐતિહાસિક અને આધ્યાત્મિક પર્યટનના વિકાસ માટે પ્રયાસો કરવામાં આવી રહ્યા છે. ભવિષ્યમાં ભાગ્યનગરને સુધારવા માટે સૌને સહકાર આપવા જણાવ્યું હતું.
સાંસદ વિજયેન્દ્ર પ્રસાદે કહ્યું કે તેઓ ખૂબ જ ખુશ છે કે ગોલકોંડા કિલ્લામાં અદ્ભુત દૃશ્યનું અનાવરણ કરવામાં આવ્યું છે.
ફિલ્મ અભિનેતા ચિરંજીવીએ કહ્યું કે તેમની યાદો ગોલકોંડા સાથે જોડાયેલી છે. તેઓ કેન્દ્રીય મંત્રી હતા ત્યારે કરેલા કાર્યક્રમો વિશે જણાવ્યું. એક લાખ ચોરસ મીટર વિસ્તારમાં આયોજિત લાઇટિંગ શો ખાસ કરીને પ્રભાવશાળી રહ્યો હતો.
આ કાર્યક્રમને નિહાળવા માટે મોટી સંખ્યામાં લોકો ઉમટી પડ્યાં હતાં, રોશનીથી ઝગમગતો ઐતિહાસિક ગોલકોંડા ફોર્ટ ખુબ જ મનમોહક લાગતો હતો લોકો પણ આ દ્રશ્ય જોઈને આશ્ચર્યચકિત અને મંત્રમુગ્ધ થઈ ગયાં હતાં.
