જયપુર: લોકસભાની ચૂંટણીના જંગમાં રાજકીય પક્ષોના નેતાઓની બયાનબાજી ચરમસીમાએ છે. આ દરમિયાન કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેને મળેલા ચૂંટણી પંચના પત્રની ભાષાને લઈને વિવાદ ચાલી રહ્યો છે. રાજસ્થાનના પૂર્વ મુખ્યમંત્રી અશોક ગેહલોતે આ પત્રની ભાષા પર સવાલ ઉઠાવ્યા છે. તેમણે એમ પણ કહ્યું કે, ચૂંટણી પંચની ભાષા બંધારણીય સંસ્થાને બદલે રાજકીય પક્ષની હોય તેવું લાગે છે.
ચૂંટણી પંચના પત્રની ભાષા બંધારણીય સંસ્થા કરતાં રાજકીય પક્ષ જેવી: હકીકતમાં, અશોક ગેહલોતે સોશિયલ મીડિયા પ્લેટફોર્મ પર એક પોસ્ટમાં લખ્યું, કોંગ્રેસ અધ્યક્ષ મલ્લિકાર્જુન ખડગે દ્વારા ઉઠાવવામાં આવેલા કાયદેસરના પ્રશ્નો અંગે ચૂંટણી પંચના આ પત્રની ભાષા બંધારણીય સંસ્થા કરતાં રાજકીય પક્ષ જેવી લાગે છે. ચૂંટણી પંચ પોતાની જવાબદારીથી કામ કરવાને બદલે આ ચૂંટણીમાં એક પક્ષ સાથે ઉભું હોય તેવું લાગી રહ્યું છે. જે સામાન્ય લોકોના મનમાં શંકા પેદા કરી રહ્યુ છે. આ પણ ચૂંટણી પંચની છબી માટે સારું નથી.
પંચ ફરિયાદોની નોંધ લેતું નથી: અશોક ગેહલોતે ચૂંટણી પંચની કામગીરી પર સવાલો ઉઠાવ્યા અને તે જ પોસ્ટમાં આગળ લખ્યું, 'આશ્ચર્યની વાત છે કે, ચૂંટણી પંચ પક્ષો વચ્ચેની આંતરિક વાતચીત પર પ્રતિક્રિયા આપી રહ્યું છે. પરંતુ ચૂંટણી પંચમાં વિપક્ષી દળો દ્વારા આપવામાં આવેલી ફરિયાદો પર ધ્યાન નથી આપી રહ્યું. રાજસ્થાનમાં કોંગ્રેસ પાર્ટીએ 20થી વધુ ફરિયાદો નોંધાવી હતી પરંતુ તેના પર નોટિસ પણ જારી કરી નથી. વાસ્તવમાં, લોકસભા ચૂંટણી દરમિયાન રાજસ્થાનમાં પ્રથમ બે તબક્કામાં તમામ 25 બેઠકો પર ચૂંટણી યોજાઈ હતી. ત્યારે કોંગ્રેસે ભાજપના નેતાઓના નિવેદનોને લઈને ચૂંટણી પંચને 20થી વધુ ફરિયાદો મોકલી હતી.
1.લોક સભા ચૂંટણી 2024, યુપીમાં ત્રણ તબક્કાના મતદાનનું વિશ્લેષણ - lok sabha election 2024
2.પટનામાં પીએમ નરેન્દ્ર મોદી રોડ શોનો રૂટ ચાર્ટ - Loksabha Election 2024
