Classes Internationals : ભારતીય વિદ્યાર્થીઓનું ફ્રાંસમાં અભ્યાસ કરવાનું સપનું સરળ બનશે, ક્લાસીસ ઇન્ટરનેશનલની શરૂઆત

author img

By ETV Bharat Gujarati Desk

Published : Jan 30, 2024, 5:37 PM IST

ફ્રાંસમાં અભ્યાસ કરવાનું સપનું સરળ બનશે

હવે ભારતીય વિદ્યાર્થીઓ માટે ફ્રાંસમાં અભ્યાસ કરવા જવું સરળ બનશે. કારણ કે, હાલમાં જ ફ્રાન્સના રાષ્ટ્રપતિ ઈમેન્યુઅલ મેક્રોને ક્લાસીસ ઈન્ટરનેશનલ શરૂ કરવાની જાહેરાત કરી છે. ભારતની મુલાકાત દરમિયાન તેમણે પીએમ નરેન્દ્ર મોદી સાથે આ અંગે સંયુક્ત સંકલ્પ વ્યક્ત કર્યો હતો.

નવી દિલ્હી : ભારતની રાજકીય મુલાકાત દરમિયાન ફ્રાંસના રાષ્ટ્રપતિ ઈમેન્યુઅલ મેક્રોને ક્લાસીસ ઇન્ટરનેશનલ (આંતરરાષ્ટ્રીય વર્ગો) શરૂ કરવાની જાહેરાત કરી છે. ભારતીય વિદ્યાર્થીઓ તેમની પસંદગીની ડિગ્રી મેળવતા પહેલા ફ્રાન્સમાં એક વર્ષ માટે ફ્રેન્ચ શીખવા માટેનો આ એક વિશેષ કાર્યક્રમ છે. મંગળવારે નવી દિલ્હીમાં ફ્રેન્ચ એમ્બેસીએ આ માહિતી આપી હતી.

ક્લાસીસ ઇન્ટરનેશનલ : આ યોજના હેઠળ વિદ્યાર્થીઓને ફ્રાન્સમાં તેમના પસંદ કરેલા અભ્યાસક્રમમાં પ્રવેશતા પહેલા એક શૈક્ષણિક વર્ષ દરમિયાન ઉચ્ચ પ્રતિષ્ઠિત ફ્રેન્ચ યુનિવર્સિટીઓમાં એક વિદેશી ભાષા અને ફ્રેન્ચ શીખવવામાં આવશે. આ કોર્સ પદ્ધતિ અને શૈક્ષણિક સામગ્રીના સંદર્ભમાં સપ્ટેમ્બર 2024 થી શરૂ કરવામાં આવશે.

ફ્રાંસના રાષ્ટ્રપતિની જાહેરાત : ભારતના તેજસ્વી હાઈસ્કૂલના સ્નાતકોને માત્ર અંગ્રેજી-પ્રોગ્રામ પૂરતા મર્યાદિત ન રાખતા ફ્રાન્સની સમૃદ્ધ, વૈવિધ્યસભર અને વિશ્વ-વિખ્યાત શૈક્ષણિક ઓફરોને એક્સેસ કરવામાં મદદ કરવા માટે ક્લાસીસ ઈન્ટરનેશનલ પ્રોગ્રામની રચના કરવામાં આવી છે. પહેલેથી જ ફ્રેન્ચ ભાષા શીખનાર અથવા સંપૂર્ણ શિખાઉ હોવા છતાં વિદ્યાર્થીઓ હવે તે સંસ્થામાં ઈમર્સિવ ભાષાની તાલીમનું મૂળભૂત એક વર્ષ સફળતાપૂર્વક પૂર્ણ કર્યા પછી ફ્રેન્ચ ઉચ્ચ શિક્ષણ સંસ્થાઓના ફ્રેન્ચ-શિખવાયેલા અંડરગ્રેજ્યુએટ પ્રોગ્રામમાં પ્રવેશ મેળવી શકશે.

ફ્રેન્ચ શૈક્ષણિક શિષ્યવૃત્તિ : રાષ્ટ્રપતિ ઈમેન્યુઅલ મેક્રોન એલાયન્સ ફ્રાન્સિસ ડી જયપુરના ભારતીય વિદ્યાર્થીઓ, દિલ્હી યુનિવર્સિટી અને જવાહરલાલ નહેરુ યુનિવર્સિટીના ફ્રેન્ચ વિભાગો અને સ્નાતક થયા પછી ફ્રાન્સથી પરત ફરેલા ભૂતપૂર્વ વિદ્યાર્થીઓને મળ્યા હતા. રાષ્ટ્રપતિએ ભારતીય વિદ્યાર્થીઓ માટે વધુ તકો આપવા માટે ફ્રાન્સની પ્રતિબદ્ધતા પર ભાર મૂક્યો હતો. જેના ઉદાહરણ તરીકે તેમણે ક્લાસીસ ઇન્ટરનેશનલ અને ભૂતપૂર્વ વિદ્યાર્થીઓ માટે 5-વર્ષના ટૂંકા ગાળાના શેંગેન વિઝા તથા ફ્રેન્ચ શૈક્ષણિક શિષ્યવૃત્તિનો ઉલ્લેખ કરતા કહ્યું કે, અમે 2030 સુધીમાં ફ્રાન્સમાં 30,000 ભારતીય વિદ્યાર્થીઓનું સ્વાગત કરવા માંગીએ છીએ. જો આવું થશે તો હું સૌથી ખુશ રાષ્ટ્રપતિ બનીશ.

ક્લાસીસ ઇન્ટરનેશનલની મુખ્ય વિશેષતા :

  • સમાવેશતા : આ કાર્યક્રમ વિદ્યાર્થીઓના ફ્રેન્ચ ભાષાના વર્તમાન સ્તરને ધ્યાનમાં લીધા વગર તમામ ભારતીય વિદ્યાર્થીઓ માટે ખુલ્લો છે. શૈક્ષણિક શ્રેષ્ઠતા એ એકમાત્ર શરત છે.
  • શ્રેષ્ઠતા અને શિક્ષણની વિશાળ શ્રેણી : આ કાર્યક્રમ તમામ ક્ષેત્રોમાં વિશ્વ-વિખ્યાત ફ્રેન્ચ ઉચ્ચ શિક્ષણ સંસ્થાઓમાં પ્રવેશ પૂરો પાડે છે. જેમાં યુનિવર્સિટીઓ, ગ્રૈંંડ ઇકોલ્સ, એન્જિનિયરીંગ, મેનેજમેન્ટ, વિજ્ઞાન, માનવતા, કલા અને અન્ય વિશિષ્ટ શાળાઓનો સમાવેશ થાય છે.
  • ફ્રેન્ચ સંસ્કૃતિ વિશે માહિતી : વિદ્યાર્થીઓ ફ્રેન્ચ સંસ્કૃતિ અને ભાષાને વધુ નજીકથી જાણી શકશે. ઉપરાંત સંસ્થાની વિદ્યાર્થી પ્રવૃત્તિઓમાં અન્ય વિદ્યાર્થીઓની જેમ ભાગ લઈ શકે છે.
  • શૈક્ષણિક ફોકસ : ફ્રેન્ચ ભાષાના વર્ગો વિદ્યાર્થીઓએ પસંદ કરેલ અભ્યાસ ક્ષેત્રને અનુરૂપ હોય છે, જે ક્ષેત્રમાં પ્રારંભિક અભ્યાસક્રમોને પૂરક બનાવે છે.
  • શિષ્યવૃત્તિના અવસર : શ્રેષ્ઠ વિદ્યાર્થીઓને ફ્રાન્સમાં તેમના ઉચ્ચ શિક્ષણને સમર્થન આપવા માટે ભારતમાં ફ્રાન્સના દૂતાવાસ તરફથી શિષ્યવૃત્તિ આપવામાં આવશે. ભારત ફ્રેન્ચની શિષ્યવૃત્તિનો સૌથી મોટો લાભાર્થી છે.
  1. Bullet Train: 'અર્લી અર્થક્વેક ડીટેક્શન સીસ્ટમ' માટે બુલેટ ટ્રેન પ્રોજેક્ટમાં 28 સિસ્મોમીટર્સ લગાડાશે
  2. દેશ સેવામાં 200 નવા IPS અધિકારીઓની નિમણૂંક, ગુજરાતને મળ્યાં 10 નવા IPS અધિકારી
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.