Gang rape case: લખનઉમાં પ યુવકોએ બે સગી બહેનો સાથે કર્યુ સામુહિક દુષ્કર્મ, બંને પીડિતાએ મુખ્યમંત્રી પાસે કરી ન્યાયની અપીલ

author img

By ETV Bharat Gujarati Desk

Published : Jan 29, 2024, 8:16 AM IST

લખનઉમાં પ યુવકોએ બે સગી બહેનો સાથે કર્યુ સામુહિક દુષ્કર્મ

ઉત્તરપ્રદેશની રાજધાની લખનઉના મડિયાંવ વિસ્તારમાં પાંચ યુવકોએ બે સગી બહેનો પર સામુહિક દુષ્કર્મ કર્યું હોવાની ઘટના સામે આવી છે. બંને સગી બહેનોને રૂમ બતાવવાના બહાને બોલાવવામાં આવી હતી. પીડિતા બહેનોનો આરોપ છે કે પોલીસે ફરિયાદ બાદ કોઈ કાર્યવાહી કરી નથી. જેથી તેમણે રાજ્ય મહિલા આયોગ, મુખ્યમંત્રી અને ગૃહ સચિવને ન્યાયની અપીલ કરી છે. બીજી તરફ પોલીસ આ આરોપોને નકારી રહી છે. ષડયંત્રપૂર્વક યુવકોને ફસાવવાની વાત પણ સામે આવી છે.

લખનઉઃ લખનઉના મડિયાંવ વિસ્તારમાં પાંચ યુવકોએ બે સગી બહેનો પર સામુહિક દુષ્કર્મ કર્યું હોવાની ઘટના સામે આવી છે. બંને સગી બહેનોને રૂમ બતાવવાના બહાને બોલાવવામાં આવી હતી. પીડિતા બહેનોનો આરોપ છે કે પોલીસે ફરિયાદ બાદ કોઈ કાર્યવાહી કરી નથી. જેથી તેમણે રાજ્ય મહિલા આયોગ, મુખ્યમંત્રી અને ગૃહ સચિવને ન્યાયની અપીલ કરી છે. બીજી તરફ પોલીસ આ આરોપોને નકારી રહી છે. ષડયંત્રપૂર્વક યુવકોને ફસાવવાની વાત પણ સામે આવી છે.

પીડિતાએ પત્ર લખીને આક્ષેપો કર્યાઃ રાયબરેલીની રહેવાસી 20 વર્ષીય પીડિતાએ અધિકારીઓને પત્ર લખીને આરોપ લગાવ્યો છે કે, તે ઈન્દિરાનગરમાં તેના માતા-પિતા અને 15 વર્ષની નાની બહેન સાથે ભાડે રહે છે. મકાનમાલિકના પુત્રના લગ્ન થવાના છે. આવી સ્થિતિમાં તેણે રૂમ ખાલી કરવાનું કહ્યું. તે તેની નાની બહેન સાથે રૂમ શોધી રહી હતી. દરમિયાન તેની મુલાકાત એક દલાલ સાથે થઈ. તેણે ઓછા પૈસામાં રૂમ અપાવવાની વાત કરી હતી. તેને કપૂરથલા ચોક પાસે તેના ત્રણ મિત્રો સાથે મુલાકાત કરાવી, તેમાંથી એકે કહ્યું કે તમે અમારે ત્યાં દર મહિને 10,000 રૂપિયાના પગારમાં નોકરી કરી લો રૂમ તમને મફતમાં મળી જશે.

રૂમ બતાવવાના બહાને બોલાવી: પીડિતાનો આરોપ છે કે તેને એક ડ્રાઈવર સાથે કારમાં ફૈઝુલ્લાગંજ કેશવનગરમાં રૂમ બતાવવા માટે બોલાવવામાં આવી હતી. તે તેની બહેન સાથે ત્યાં પહોંચી ગઈ હતી. જોકે, ત્યાં પહેલેથી જ ચાર લોકો હાજર હતા. તેને ઘર બતાવવામાં આવ્યું અને પછી કોઈ બહાને ચા પીવડાવી. ત્યાર બાદ તેઓ બેભાન થઈ ગઈ. ત્યાર બાદ પાંચેય લોકોએ બંને બહેનો પર ગેંગરેપ કર્યો હતો. જ્યારે તે હોંશમાં આવી તો આરોપીઓએ તેને હથિયાર બતાવીને ધમકી આપી. તેણે કહ્યું કે જો તે આ ઘટના વિશે કોઈને કહેશે તો તેને મારી નાખશે.

પોલીસની કાર્યવાહી: પોલીસ સ્ટેશનમાં અનેક વખત ફરિયાદ કરવામાં આવી હતી, પરંતુ કોઈ કાર્યવાહી કરવામાં આવી ન હતી. દરમિયાન, મડિયાવ પોલીસ સ્ટેશનના પ્રભારીએ કહ્યું કે આ મામલો સંજ્ઞાન હેઠળ છે, પરંતુ હજુ સુધી તેની કોઈ પુષ્ટિ થઈ નથી. ફૂટેજની સાથે પીડિતાના સીડીઆર અને લોકેશનની પણ તપાસ કરવામાં આવી હતી, પરંતુ ઘટના સાચી સાબિત થઈ ન હતી. તપાસ દરમિયાન જુબાનીમાં આક્ષેપો કરાયા હોવાનું બહાર આવ્યું હતું. આ યુવતી ભૂતકાળમાં દેહવ્યાપારના આરોપમાં જેલમાં પણ જઈ ચુકી છે.

  1. Rape in HRTC bus: હિમાચલ પ્રદેશમાં HRTC બસમાં મહિલા પર બળાત્કાર, જાણો સમગ્ર મામલો
  2. Gang rape of a minor : સગીરા સાથે સામૂહિક દુષ્કર્મની ઘટના, ગંગધાર પોલીસે પાંચમાંથી બે આરોપીને પકડ્યાં
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.