મુંબઈ : કોંગ્રેસના વરિષ્ઠ નેતા અનેમહારાષ્ટ્રના પૂર્વ મુખ્યમંત્રી અશોકરાવ ચવ્હાણે કોંગ્રેસ છોડ્યા બાદ રાજ્યમાં મોટો રાજકીય ભૂકંપ આવ્યો છે. કોંગ્રેસ નેતા ચવ્હાણે મીડિયા સામે પોતાની સ્થિતિ સ્પષ્ટ કરી.
પ્રાથમિક સભ્યપદેથી રાજીનામું : કોંગ્રેસના વરિષ્ઠ નેતા અશોકરાવ ચવ્હાણે કહ્યું કે, મેં કોંગ્રેસમાંથી વિધાનસભાના સભ્ય પદેથી રાજીનામું આપી દીધું છે. વિવિધ વિભાગોને રાજીનામું સોંપવામાં આવ્યું છે. કોંગ્રેસમાં પાર્ટીનું કામ ઈમાનદારીએ કર્યું છે. પાર્ટીના પ્રાથમિક સભ્યપદેથી રાજીનામું આપી દીધું છે. એક-બે દિવસમાં રાજકીય દિશા નક્કી થશે. ભાજપમાં જોડાવાનો નિર્ણય હજુ લેવાયો નથી. બે દિવસમાં સત્તાવાર ભૂમિકા જાહેર કરવામાં આવશે. દરેક બાબતમાં કારણ હોવું જરૂરી નથી. પાર્ટીએ મારા માટે ઘણું કર્યું છે. મેં પાર્ટી માટે પણ ઘણું કર્યું છે.
જન્મથી કોંગ્રેસમાં કામ કર્યું : મને કોઈના પ્રત્યે કોઈ ફરિયાદ નથી. હું કોંગ્રેસથી નારાજ નથી. મેં રાજીનામું આપ્યું કારણ કે મારે અન્ય વિકલ્પો જોવાના હતા. હું કોઈને દુઃખી કરવા માંગતો નથી. હું ભાજપની કાર્યપ્રણાલીને જાણતો નથી. જન્મથી કોંગ્રેસમાં કામ કર્યું. કોંગ્રેસના કોઈ ધારાસભ્ય સાથે ચર્ચા કરી નથી. મેં વડાપ્રધાન મોદી સાથે વાતચીત કરી નથી. મને ભાજપ તરફથી કોઈ ખાતરી મળી નથી. તેમજ રાજ્યસભાની માંગણી કરી નથી. મહાવિકાસ આઘાડી બેઠક ફાળવણીમાં વિલંબ કરી રહી છે.
