Road accident at Rangia: থিতাতে নিহত নলবাৰীৰ এজন যুৱক

সোমবাৰে ৰঙিয়াৰ ৩১ নং ৰাষ্ট্ৰীয় ঘাইপথৰ সমীপৰ বালাগাঁওত সংঘটিত হয় এটি পথ দুৰ্ঘটনা (Road accident at Rangia)। দুৰ্ঘটনাটোত থিতাতে নিহত হয় নলবাৰীৰ গৌতম কলিতা নামৰ এজন যুৱক ৷ উল্লেখ্য যে, গুৱাহাটীৰ পৰা নলবাৰী অভিমুখে আহি থকা AS 14N 8719 নম্বৰৰ এখন ১৫০ পালচাৰ বাইকে এডাল প্ৰকাণ্ড গছত খুণ্ডা মাৰি কাষৰ পুখুৰীত পৰেগৈ ৷ ফলত পালচাৰ বাইকখনৰ আৰোহী গৌতম কলিতা ঘটনাস্থলীতে নিহত হয় (One person killed in road accident at Rangia) । ইয়াৰ পিছতে স্থানীয় ৰাইজে দিয়া খবৰৰ ভিত্তিত ঘটনাস্থলীত ৰঙিয়া আৰক্ষী উপস্থিত হৈ মৃতদেহটি উদ্ধাৰ কৰাৰ লগতে মৰণোত্তৰ পৰীক্ষাৰ ব্যৱস্থা কৰে ৷