আমগুৰি, 24 আগষ্ট: ৰাজ্যত আৰম্ভ হৈছে অৰুণোদয় মাহ (Arunodaya month started in Assam)। অৰুণোদয় আঁচনিৰ জৰিয়তে আৰ্থিক ভাৱে পিছপৰা মহিলাসকলক সকাহ দিয়াৰ উদ্দেশ্যে ৰাজ্য চৰকাৰে হাতত লৈছে এই আচঁনি ৷ কিন্তু প্ৰকৃততে মহিলাসকলে লাভ কৰিছে নে অৰুণোদয় আঁচনি ? সেয়া এক বৃহৎ প্ৰশ্ন ৷
কিয়নো ৰাজ্যত অৰুণোদয় মাহ চলি থকাৰ সময়তে অৰুণোদয় আঁচনিত ব্যাপক বিসংগতি আৰু অনিয়ম সংঘটিত হোৱাৰ তথ্য পোহৰলৈ আহিছে (Irregularities in Arunodoi scheme) ৷ আমগুৰি সমষ্টিত সংঘটিত হৈছে এই ঘটনা ৷ অৰুণোদয় আঁচনিত একাংশ দৰিদ্ৰ মহিলাৰ নাম থকা স্বতেও লাভ কৰা নাই ৰাজ্য চৰকাৰৰ এই আচঁনি (Women took to streets alleging irregularities in Arunodoi scheme) ৷ এই অভিযোগ আমাৰ নহয়, এই অভিযোগ আমগুৰি অঞ্চলৰ একাংশ ভুক্তভোগী মহিলাৰ ৷
সেয়েহে, আমগুৰিৰ নামতি আলি পঞ্চায়তৰ অন্তৰ্গত জোলা গাঁৱৰ একাংশ ক্ষুব্ধ মহিলাই ন্যায্য প্ৰাপ্তিৰ দাবীত আজি এক প্ৰতিবাদী কাৰ্যসূচী ৰূপায়ণ কৰে ৷ শীঘ্ৰে বঞ্চিত মহিলাসকলক অৰুণোদয় আঁচনিৰ ধন মোকলাই দিবলৈ আহ্বান জনাইছে ভুক্তভোগী মহিলাসকলে । হিতাধিকাৰীৰ ঘৰে ঘৰে নিৰীক্ষণ কৰিবলৈ অহা পিছতে পোহৰলৈ আহে এই তথ্য ৷
এতিয়া প্ৰশ্ন হয়, অৰুণোদয় আঁচনিৰ ধন লাভ নকৰাকৈয়ে কিদৰে তালিকাত জোলা গাঁৱৰ একাংশ মহিলাৰ নাম অন্তভুক্ত হ’ল ? এই লৈ সংশ্লিষ্ট কৰ্তৃপক্ষৰ হস্তক্ষেপ বিচাৰিছে ভুক্তভোগী হিতাধিকাৰী মহিলাসকলে ৷
লগতে পঢ়ক: সাতদফীয়া দাবীৰে ডিব্ৰুগড়ত আমছুৰ প্ৰতিবাদ
