ৰহা, 29 আগষ্ট : দুৰ্ঘটনাত পতিত হৈছে স্বাস্থ্যমন্ত্ৰী কেশৱ মহন্তৰ কনভয়ৰ বাহন ৷ দেওবাৰে দুপৰীয়া প্ৰায় ১২ বজাত ৰহা চাৰিআলিত ৰাজ্যৰ স্বাস্থ্যমন্ত্ৰী কেশৱ মহন্তৰ কনভয়ৰ এখন বাহন দুৰ্ঘটনাত পতিত হয় ।
মন্ত্ৰী গৰাকীৰ নিৰাপত্তাৰ দায়িত্বত থকা নিৰাপত্তাৰক্ষীৰ এখন স্কৰপিঅ' বাহনে ৰহা চাৰিআলিত একে দিশেৰে গৈ থকা এখন বগা ৰঙৰ এল্ট’ বাহনত পিছপিনৰ পৰা জোৰেৰে খুন্দা মৰাৰ ফলত দুৰ্ঘটনাটো সংঘটিত হয় ৷ দুৰ্ঘটনাটোৰ ফলত দুয়োখন বাহনৰে ব্যাপক ক্ষতি হয় ।
অৱশ্যে এই দুৰ্ঘটনাত কোনো লোক হতাহত হোৱা নাই ৷ তদুপৰি মন্ত্ৰীগৰাকীয়ে যাত্ৰা কৰা বাহনখনৰ কোনো ধৰণৰ ক্ষতি হোৱা নাই এই দুৰ্ঘটনাত । দুৰ্ঘটনাৰ সময়ত গুৱাহাটীৰ পৰা নগাঁও অভিমুখে গৈ আছিল মন্ত্ৰী কেশৱ মহন্তৰ কনভয় ।
লগতে চাওক: এতিয়াৰে পৰা কাজিৰঙাৰে পাৰ হোৱা তীব্ৰবেগী বাহনে ভৰিব লাগিব জৰিমনা
