দুপৰীয়া 3 বজাৰ শীৰ্ষ 10 বাতৰি

দুপৰীয়া 3 বজাৰ শীৰ্ষ 10 বাতৰি

ৰণজিৎ দাস, ফণী শৰ্মা, দিলীপ শইকীয়াক দিল্লীলৈ জৰুৰী তলব নাড্ডাৰ । দলীয় প্ৰাৰ্থিত্ব আৰু অগপৰে আসন বুজাবুজিৰ সন্দৰ্ভত বৈঠকত মিলিত হোৱাৰ ধাৰণা ।

দেশবাসীক 'আন্তৰ্জাতিক মাতৃভাষা দিৱস'ৰ শুভেচ্ছা জ্ঞাপন কৰে অমিত শ্বাহে । তেওঁ উল্লেখ কৰা মতে, মোডী চৰকাৰৰ নতুন শিক্ষা নীতি ভাৰতীয় ভাষাৰ সংৰক্ষণ, বিকাশ আৰু সবলীকৰণৰ বাবে চৰকাৰৰ প্ৰচেষ্টা প্ৰতিফলিত হৈছে ।

শনিবাৰে মাজুলীৰ অফলামুখ তথা দক্ষিণপাট অঞ্চলৰ খহনীয়াগ্ৰস্ত লোকসকলৰ লগতে জেংৰাইমুখ আৰু মাজৰদেউৰীতো অনুষ্ঠিত কৰা হৈছে কংগ্ৰেছৰ অসম বচাও কাৰ্যসূচী ৷ এই কাৰ্যসূচীত অংশগ্ৰহণ কৰে কংগ্ৰেছৰ নিৰ্বাচন প্ৰচাৰ কমিটিৰ অধ্যক্ষ, সাংসদ প্ৰদ্যুৎ বৰদলৈ, বিহপুৰীয়া সমষ্টিৰ প্ৰাক্তন বিধায়ক ভূপেন বৰাসহ কংগ্ৰেছৰ বহু সদস্য ৷

২২ ফেব্ৰুৱাৰীত প্ৰধানমন্ত্ৰী মোডীয়ে আনুষ্ঠানিকভাৱে কুলাজান চিতলমাৰীত হ’বলগীয়া বিশাল জনসভাৰ পৰাই ডিজিটেল মাধ্যমেৰে উদ্বোধন কৰিব বহু প্ৰতীক্ষিত ধেমাজি অভিযান্ত্ৰিক মহাবিদ্যালয় ৷ ইতিমধ্যে মহাবিদ্যালয়খনত 160 গৰাকী শিক্ষাৰ্থীয়ে অনলাইনযোগে শিক্ষাগ্ৰহণ কৰি আছে ৷

শনিবাৰে শদিয়াৰ বিজেপি নেত্ৰী ৰুবী মণি বৰুৱাৰ নেতৃত্বত শান্তিপুৰৰ পৰা ধলালৈকে উলিওৱা বাইক ৰেলীত অংশগ্ৰহণৰ বাবে গৈছিল জ্যেষ্ঠ বিজেপি কৰ্মী ঔম প্ৰকাশ উপাধ্যায় ৷ সেই সময়তেই কোনো দুৰ্বৃত্তই তেওঁক ফোনযোগে গুলিৱাই মৰাৰ ভাবুকি প্ৰদান কৰে ৷

ডিব্ৰুগড় বিশ্ববিদ্যালয়ৰ অধ্যাপক ড৹ জ্যোতিপ্ৰসাদ শইকীয়াক গোলাঘাটস্থিত সতী সাধিনী বিশ্ববিদ্যালয়ৰ নতুন উপাচাৰ্য হিচাপে নিযুক্তি প্ৰদান কৰা হৈছে ৷

ৰূপহীহাটৰ তেলিয়াচাপৰিত সংঘটিত হৈছে এক জঘন্য ঘটনা ৷ এগৰাকী কিশোৰীক দলবদ্ধ ধৰ্ষণ কৰে তিনি ব্যক্তিয়ে ৷

নাৰায়ণপুৰত ক'ভিড প্ৰতিষেধক লোৱাৰ পিছতে অসুস্থ হৈ পৰা অংগনবাদী সহায়িকাৰ মৃত্যু । দীপা গৌতম নামৰ সহায়িকা গৰাকীৰ ঘৰ নাৰায়ণপুৰৰ চেঁচা ৰাজগড়ত ।

হোজাইৰ বৰহোলা গাঁৱত 8 বছৰীয়া কন্যাক বলাৎকাৰ কৰি হত্যা কৰাৰ ঘটনাক লৈ সৃষ্টি হৈছে তীব্ৰ চাঞ্চল্যৰ । দেওবাৰে পুৱা বৰহোলা গাঁৱৰ এখন নিৰ্জন পথাৰত উদ্ধাৰ হৈছে এটি আঠ বছৰীয়া কন্যাৰ মৃতদেহ ৷

কৰ'ণাৰ এই দ্ৰুত সংক্ৰমণৰ প্ৰতি লক্ষ্য ৰাখি মহাৰাষ্ট্ৰৰ পুণেত নৈশ সান্ধ আইন জাৰি কৰিছে প্ৰশাসনে । নিশা ১১ বজাৰ পৰা পুৱা ৬ বজালৈ থাকিব এই নৈশ সান্ধ আইন ।