বাক্সা, 9 ডিচেম্বৰ : বাক্সাৰ তামুলপুৰ আৰক্ষীৰ বৃহৎ সাফল্য ৷ এক গোপন সূত্ৰৰ পম খেদি চলোৱা অভিযানত বুধবাৰে পুৱা তামুলপুৰ আৰক্ষীয়ে গাঞ্জাৰ সৈতে তিনিটা সৰবৰাহকাৰীক কৰায়ত্ব কৰে (police arrested 3 ganja supplier with 36kg ganja) ৷
নাগ্ৰীজুলি আৰক্ষী চকীৰ ভাৰপ্ৰাপ্ত বিষয়া মনোজ দাসৰ নেতৃত্বত আৰক্ষীৰ এটা দল আৰু এছ এছ বিৰ এটা দলে বুধবাৰে পুৱাৰে পৰা নাগ্ৰীজুলি অঞ্চলৰ বিভিন্ন স্থানত নিয়মীয়া তালাচী চলায় ৷ তালাচীৰ সময়ত নাগ্ৰীজুলিৰ 19 নম্বৰ লাইনত AS 13 L 8555 নম্বৰৰ এখন বাহনৰ পৰা আৰক্ষীয়ে 36.4 কিল’গ্ৰাম গাঞ্জা জব্দ কৰে (police seized 36 kg ganja at tamulpur) ৷
গাঞ্জা সৰবৰাহকাৰী তিনিজন ক্ৰমে নীতিশ দৈমাৰী, নিপুণ দৈমাৰী আৰু বিমল দৈমাৰীক আৰক্ষীয়ে আটক কৰি নিজৰ জিম্মাত ৰাখিছে ৷ আৰক্ষীয়ে ধৃত সৰবৰাহকাৰী কেইটাক সোধ-পোছ অব্যাহত ৰাখিছে ৷
লগতে পঢ়ক : Illegal cattle pound at Diffloo tea estate:বাতৰি সংগ্ৰহৰ বাবে যোৱা সাংবাদিকক আক্ৰমণ
