স্পৰ্টছ ডেস্ক, 6 জুনঃ COVID-১৯ ৰ ভয়াৱহতাৰ প্ৰতি লক্ষ্য ৰাখিয়ে 8 জুলাইৰ পৰা ইংলেণ্ডত অনুষ্ঠিত হ'বলগীয়া টেষ্ট শৃংখলাত অংশ গ্ৰহণ নকৰাৰ সিদ্ধান্ত লৈছিল ৱেষ্ট ইণ্ডিজৰ তিনি ক্ৰিকেটাৰ ডেৰেন ব্ৰেভ', শিমৰণ হেটমেয়াৰ আৰু কিম' পলে । শেহতীয়াকৈ এই সন্দৰ্ভত এক প্ৰতিক্ৰিয়া প্ৰকাশ কৰিছে প্ৰাক্তন ৱেষ্ট ইণ্ডিজ ক্ৰিকেটাৰ মাইকেল হল্ডিঙে ।
এক ইউটিউব চেনেলত তেওঁ কয়, ৱেষ্ট ইণ্ডিজৰ ক্ৰিকেটৰ দৃষ্টিভংগীৰে এইয়া দুৰ্ভাগ্য়জনক । মই কাকো ক'ব নোৱাৰে COVID-১৯ ৰ সময়ত ইংলেণ্ড লৈ ভ্ৰমণ কৰাৰ কথা, কোনোৱা বেমাৰ হ'ব পাৰে বা তাতোকৈ কিবা বেছি অঘটন হ'ব পাৰে ।
কিন্তু একে সময়তে মই ভাৱে ৱেষ্ট ইণ্ডিজ ক্ৰিকেটৰ বাবে দুৰ্ভাগ্যপূৰ্ণ কথা । এই খেলুৱৈ সকল যথেষ্ট প্ৰতিভাসম্পন্ন । তেওঁলোকৰ অনুপস্থিতি দলটোৱে অনুভৱ কৰিব । আনহাতে তেওঁলোকৰ সিদ্ধান্তক সন্মান জনাব লাগে বুলিও উল্লেখ কৰে প্ৰাক্তন ক্ৰিকেটাৰগৰাকীয়ে ।
হল্ডিঙে লগতে কয়, ডেৰেন ব্ৰেভ'ৰ বাবে এইখন শৃংখলা কেৰিয়াৰৰ পুনৰ উত্থানৰ বাবে এক সুন্দৰ সুযোগ আছিল । কিয়নো যোৱা নৱেম্বৰ মাহত আফগানিস্তানৰ বিৰুদ্ধে তেওঁক দলৰ পৰা বাহিৰ কৰি দিয়া হৈছিল ।
আনহাতে প্ৰাক্তন ক্ৰিকেটাৰ ইয়ান বিশপেও হল্ডিঙৰ কথাত একমত জনায় খেলুৱৈৰ স্বাস্থ্য সংকটৰ প্ৰতি লক্ষ্য় ৰাখি বিকল্প খেলুৱৈৰ কথা উল্লেখ কৰে । তেওঁ কয়, খেলুৱৈৰ বিকল্প দিয়া অতিকৈ প্ৰয়োজন কাৰণ এইটো এটা বিশ্ব স্বাস্থ্য সংকট ।
লগতে পঢ়কঃ দশম স্থানেৰে ৰহালৈ গৌৰৱ কঢ়িয়াই আনিলে ঋত্বিক কুমাৰ সুতে
