চিটাৰা ডেস্ক, 24 নৱেম্বৰ: মুক্তিৰ দিনা এক সুন্দৰ উপাৰ্জনৰে বক্স অফিচত খাতা খুলিছিল টাইগাৰ ৩ ছবিখনে ৷ কিন্তু এতিয়া লাহে লাহে কমি আহিছে ছবিখনৰ উপাৰ্জন। মুক্তিৰ মাত্ৰ দুসপ্তাহৰ ভিতৰতে এনে অৱস্থা হৈছে ছলমান খানৰ ছবিখনৰ।
টাইগাৰ ৩ এখন ছুপাৰহিট ফ্ৰেঞ্চাইজিৰ ছবি। এনে পৰিস্থিতিত নতুন ছবিখনৰ পৰা দৰ্শকৰ বহু আশা আছিল । ছবিখনৰ ট্ৰেইলাৰেও ভাল সঁহাৰি পাইছিল, যাৰ ফলত টাইগাৰ ৩ ক আগতীয়াকৈ বুকিঙেও যথেষ্ট সহায় কৰিছিল ।
ছবিখনৰ আৰম্ভণি কেনেকুৱা আছিল ?
দীপাৱলী উপলক্ষে মুক্তি পোৱা টাইগাৰ ৩ ছবিয়ে মুকলিৰ দিনটোত ৪৪.৫০ কোটি টকা উপাৰ্জন কৰিছিল । ইয়াৰ পিচতো ছবিখনে ভাল ব্যৱসায় কৰিছিল । ছবিখনে দ্বিতীয় দিনা প্ৰায় ৫৯ কোটি টকা আৰু তৃতীয় দিনা ৪৪ কোটি টকা উপাৰ্জন কৰে ।
প্ৰথম তিনিদিনৰ পাচতে টাইগাৰ ৩ৰ উপাৰ্জন হ্ৰাস পাবলৈ ধৰে ৷ ছবিখনে দ্বিতীয় সোমবাৰৰ পৰা অৰ্থাৎ ২০ নৱেম্বৰৰ পৰা একক সংখ্যাৰ ব্যৱসায় কৰি আছে । এতিয়া টাইগাৰৰ উপাৰ্জন ৫ কোটি টকাৰ তললৈ নামি আহিছে ।
- " class="align-text-top noRightClick twitterSection" data="">
টাইগাৰ ৩ৰ শেহতীয়া উপাৰ্জনৰ কথা ক’বলৈ গ’লে সোমবাৰে ছবিখনে ৭.৩৫ কোটি টকাৰ ব্যৱসায় কৰিছিল । একে সময়তে মঙলবাৰৰ আয় ৬.৭০ কোটি আৰু বুধবাৰে ৫.৮১ কোটি টকা হয়গৈ । Sacnilk ৰ ৰিপৰ্ট অনুসৰি বৃহস্পতিবাৰে ছবিখনৰ উপাৰ্জন অধিক হ্ৰাস পায় ।
বৃহস্পতিবাৰে কিমান কোটি টকা উপাৰ্জন কৰিলে ছবিখনে ?
প্ৰাৰম্ভিক পৰিসংখ্যা অনুসৰি টাইগাৰ ৩ য়ে মুক্তিৰ ১২ দিনত প্ৰায় ৪.৭০ কোটি টকা নেট সংগ্ৰহ কৰে । ইয়াৰ লগে লগে এতিয়ালৈকে ছবিখনে ঘৰুৱা বক্স অফিচত ২৫৪.৪৬ কোটি টকাৰ ব্যৱসায় কৰিছে ।
প্ৰথম দিন- ৪৪.৫০ কোটি টকা
দ্বিতীয় দিন- ৫৯.২৫ কোটি টকা
তৃতীয় দিন- ৪৪.৭৪ কোটি টকা
চতুৰ্থ দিন- ২১.২৫ কোটি টকা
পঞ্চম দিন- ১৮.৫০ কোটি টকা
ষষ্ট দিন- ১৩.২৫ কোটি টকা
সপ্তম দিন- ১৮.৭৫ কোটি টকা
অষ্টম দিন- ১০.৫০ কোটি টকা
নৱম দিন- ৭.৩৫ কোটি টকা
দশম দিন- ৬.৭০ কোটি টকা
একাদশ দিন- ৫.৮১ কোটি টকা
দ্বাদশ দিন- ৪.৭০ কোটি টকা
