World Music Day 2023: কেতিয়া আৰু কেনেকৈ হৈছিল বিশ্ব সংগীত দিৱসৰ আৰম্ভণি ? ইতিহাস আৰু বিষয়বস্তু জানি লওক
সংগীতৰ গুৰুত্ব আৰু উপযোগিতাৰ বিষয়ে বিশ্ববাসীক সজাগ কৰাৰ উদ্দেশ্যে প্ৰতি বছৰে বিশ্ব সংগীত দিৱস পালন কৰা হয় । ২১ জুন তাৰিখে নিজেই অৰ্থাৎ যোগ দিৱসত বিশ্ব সংগীত দিৱস পালন কৰা হয় । এইবাৰৰ সংগীত দিৱসৰ ইতিহাস, গুৰুত্ব আৰু বিষয়বস্তু জানি লওক ।
Published : June 21, 2023 at 2:08 PM IST
২১ জুনৰ দিনটো বিশ্বৰ সকলো দেশৰ বাবে গুৰুত্বপূৰ্ণ । আজিৰ দিনটোতে বিশ্ব যোগ দিৱস পালন কৰা হয় । শৰীৰক সুস্থ কৰি ৰখাৰ উপৰিও যোগাসন মানসিক স্বাস্থ্য আৰু শান্তিৰ বাবেও সহায়ক । অৱশ্যে যোগৰ বাহিৰেও মনটোক শিথিল অনুভৱ কৰিবলৈ সংগীত এটা উন্নত বিকল্প হ’ব পাৰে ।
সংগীতে মানুহক শিথিল অনুভৱ কৰায় । সংগীত কেৱল মনোৰঞ্জনৰ মাধ্যম নহয়, সুস্থ শৰীৰ আৰু মনৰ বাবেও ই ফলপ্ৰসূ । চিকিৎসকেও সংগীতক স্বাস্থ্যৰ বাবে উপকাৰী বুলি গণ্য কৰে । গৱেষণাৰ মতে সংগীতে শৰীৰত পৰিৱৰ্তন ঘটায়, যাৰ ফলত স্বাস্থ্য উন্নত হয় । ডিপ্ৰেছন আৰু হতাশাৰ বলি হোৱা লোকসকলক ইয়াৰ পৰা উলিয়াই আনিবলৈ মিউজিক থেৰাপী দিয়া হয় ।
সংগীতৰ গুৰুত্ব আৰু উপযোগিতাৰ বিষয়ে বিশ্ববাসীক সজাগ কৰাৰ উদ্দেশ্যে প্ৰতি বছৰে বিশ্ব সংগীত দিৱস পালন কৰা হয় । ২১ জুন তাৰিখে নিজেই অৰ্থাৎ যোগ দিৱসৰ দিনা বিশ্ব সংগীত দিৱসো পালন কৰা হয় । এইবাৰৰ সংগীত দিৱসৰ ইতিহাস, গুৰুত্ব আৰু বিষয়বস্তুৰ বিষয়ে জানো আহক ।
সংগীত দিৱসৰ ইতিহাস
১৯৮২ চনত ফ্ৰান্সত পোনপ্ৰথমবাৰৰ বাবে বিশ্ব সংগীত দিৱস পালন কৰা হৈছিল । ফ্ৰান্সৰ তেতিয়াৰ সাংস্কৃতিক মন্ত্ৰী জেক লেঙে সংগীতৰ প্ৰতি মানুহৰ উন্মাদনাৰ ওপৰত লক্ষ্য ৰাখি এই দিৱস উদযাপন কৰাৰ কথা ঘোষণা কৰিছিল । সেই সময়ত সংগীত দিৱসক ‘ফেট লা মিউজিকা’ বুলি কোৱা হৈছিল ।
প্ৰথম সংগীত দিৱস কেনেকৈ পালন কৰা হ’ল ?
১৯৮২ চনত উদযাপিত প্ৰথম সংগীত দিৱসত ৩২খনতকৈও অধিক দেশৰ সমৰ্থন লাভ কৰে । এই সময়ছোৱাত বহু কাৰ্যসূচীৰ আয়োজন কৰা হৈছিল । তেতিয়াৰ পৰাই ইটালী, গ্ৰীচ, ৰাছিয়া, আমেৰিকা, ব্ৰিটেইন, অষ্ট্ৰেলিয়া, পেৰু, ব্ৰাজিল, ইকুৱেডৰ, মেক্সিকো, কানাডা, জাপান, চীন, মালয়েছিয়া আৰু বিশ্বৰ সকলো দেশে প্ৰতি বছৰে ২১ জুনত বিশ্ব সংগীত দিৱস পালন কৰে ।
বিশ্ব সংগীতৰ বিষয়বস্তু
প্ৰতি বছৰে বিশ্ব সংগীত দিৱসৰ এক বিশেষ থিম থাকে । বিগত ২০২২ বৰ্ষৰ সংগীত দিৱসৰ বিষয়বস্তু আছিল ‘মিউজিক এট ইন্টাৰছেকচন’ (Music At Intersections)।
লগতে পঢ়ক: Breakfast Ideas: ব্ৰেকফাষ্টত নিমিষতে তৈয়াৰ কৰক এই ৭বিধ খাদ্য, প্ৰস্তুত কৰাৰ পদ্ধতি জানি লওক
