কৃষি আইনক লৈ উচ্চতম ন্যায়ালয়ৰ নিযুক্ত সমিতিৰ প্ৰতিবেদন দাখিল

তিনি কৃষি আইনৰ সৈতে কৃষকসকলৰ অভিযোগ সমাধানৰ বাবে উচ্চতম ন্যায়ালয়ে নিযুক্তি দিয়া তিনিজনীয়া সমিতিয়ে অৱশেষত বুধবাৰে শীৰ্ষ আদালতত দাখিল কৰিছে ইয়াৰ প্ৰতিবেদন । কৃষক সংগঠনসমূহৰ সৈতে বৈঠকৰ অন্তত প্ৰতিবেদন দাখিল কৰিছে সমিতিখনে ৷

নেশ্যনেল ডেস্ক, 31 মাৰ্চ : নতুনকৈ প্ৰণয়ন কৰা কৃষি আইনক লৈ কৃষকসকলৰ উদ্বেগ সমাধানৰ বাবে গঠন কৰা উচ্চতম ন্যায়ালয়ৰ নিযুক্ত সমিতিয়ে বুধবাৰে উচ্চতম ন্যায়ালয়ত দাখিল কৰে এক প্ৰতিবেদন ৷

মুখ্য ন্যায়াধীশ এছ এ বোবডেৰ নেতৃত্বত ন্যায়াধীশ এ এছ বোপান্না আৰু ন্যায়াধীশ ভি ৰামসুব্ৰমণিয়ানৰ সহযোগত বিচাৰপীঠে চলিত বৰ্ষৰ জানুৱাৰী মাহত এখন সমিতি গঠন কৰাৰ নিৰ্দেশ দিছিল । সমিতিখনত অশোক গুলাটী, প্ৰমোদ যোশী, হৰচিম্ৰত মেন, অনিল ঘানাৱন্ত আৰু ভুপিন্দৰ সিং মান সদস্য হিচাপে অন্তৰ্ভুক্ত আছিল ৷ কিন্তু পৰৱৰ্তী সময়ত তেওঁৰ নাম প্ৰত্যাহাৰ কৰা হয় ৷

কিন্তু কৃষকসকলে এই সমিতিখন গ্ৰহণ কৰা নাছিল, কিয়নো তেওঁলোকে যুক্তি দিছিল সমিতিৰ সকলো সদস্যই আইনৰ প্ৰতি সমৰ্থন জনাইছে আৰু এইটো পক্ষপাতী হ’ব । অৱশ্যে, আদালতে এই মতৰ সৈতে সন্মত হোৱা নাছিল আৰু কৈছিল যে, তেওঁলোকে কৃষকসকলৰ উদ্বেগ সংকলিত কৰাৰ ক্ষেত্ৰত কোনো ব্যৱস্থা গ্ৰহণ নকৰে ৷

সমিতিখনে ৮০ গৰাকীৰো অধিক কৃষক সংগঠন আৰু কৃষি বিশেষজ্ঞৰ বিভিন্ন পৰামৰ্শৰ প্ৰতি লক্ষ্য ৰাখি বিভিন্ন বৈঠক অনুষ্ঠিত কৰিছিল । দুমাহৰ পাচত উচ্চতম ন্যায়ালয়লৈ পুনৰ প্ৰতিবেদন দাখিল কৰে সমিতিয়ে ৷ অৱশ্যে ন্যায়ালয়ে আগন্তুক 5 এপ্ৰিলতহে বিষয়টোৰ শুনানি গ্ৰহণ কৰিব ৷

ইফালে, কৃষকসকলে নতুনকৈ প্ৰণয়ন হোৱা তিনি কৃষি আইনৰ বিৰুদ্ধে অব্যাহত ৰাখিছে প্ৰতিবাদ ৷

লগতে পঢ়ক : প্ৰাক্তন মুখ্যমন্ত্ৰী এইচ ডি দেৱগৌড়া আৰু পত্নী COVID-১৯ পজিটিভ