চুলিৰ বাবে মানুহে বিভিন্ন ধৰণে যতন লয় । ইয়াৰ পিছতো বহুতে চুলি সৰা সমস্যাৰ সন্মুখীন হ’বলগীয়া হয়, যিটো দূৰ কৰিবলৈ বিভিন্ন ধৰণৰ চুলিৰ যত্ন লোৱা সামগ্ৰীও ব্যৱহাৰ কৰা হয় । তথাপিও চুলি সৰা বন্ধ নহয় । কাৰণ কেতিয়াবা কিছুমান কথাই চুলি সৰাৰ বাবে দায়ী, যিবোৰ পৰিহাৰ কৰাটো প্ৰয়োজন ।
চেনি ভিত্তিক খাদ্য: চুলি সৰা বৃদ্ধিৰ বাবে মিঠা খাদ্য দায়ী । দৰাচলতে ইহঁতে অগ্নাশয়ত হৰম’ন ইনচুলিনৰ উৎপাদন বৃদ্ধি কৰে । যাৰ ফলত চুলিৰ গুৰিত ৰক্তবাহী নলীত নেতিবাচক প্ৰভাৱ পৰে । সেইবাবেই মিঠাই, কেক, কুকিজ আদি চেনি সমৃদ্ধ বস্তু খোৱাৰ পৰা বিৰত থাকিব লাগে ।
ফাষ্ট ফুড: পাস্তা, ব্ৰেড আৰু বাৰ্গাৰ, চিপছৰ দৰে পেকেজ খাদ্যৰ পৰাও দূৰত্ব ৰাখিব লাগে । কাৰণ ইয়াত সৰল কাৰ্বহাইড্ৰেট থাকে যিয়ে চেবাম উৎপাদন বৃদ্ধি কৰাত সহায় কৰে । ই এক তেলীয়া পদাৰ্থ যিটো চুলিৰ গুৰিৰ লগত সংলগ্ন গ্ৰন্থিৰ দ্বাৰা নিঃসৰণ হয় । যাৰ অতিৰিক্তভাৱে মুক্ত হোৱাৰ বাবে ই চুলিৰ স্বাস্থ্যৰ বাবে ক্ষতিকাৰক হ’ব পাৰে ।
উচ্চ পাৰাযুক্ত মাছ: চুলি সৰা ৰোধ কৰিবলৈ আপুনি সেই মাছবোৰৰ খোৱাৰ পৰাও আঁতৰি থাকিব লাগিব যিবোৰ চুলি সৰাৰ বাবে দায়ী হ’ব পাৰে । ইয়াৰ ভিতৰত যিবোৰ মাছত পাৰা অধিক পৰিমাণে পোৱা যায় । আপোনালোকক কওঁ যে ২০১৯ চনত দুগৰাকী মহিলাৰ চুলি সৰাৰ এটা ৰিপৰ্টত দেখা গৈছিল যে তেওঁলোকৰ তেজত পাৰাৰ মাত্ৰা অধিক আছিল উচ্চ পাৰাযুক্ত মাছ খোৱাৰ পিছত । যাক এৰি দিয়াৰ পিছত তেওঁৰ চুলি সৰাৰ সমস্যা দূৰ হৈছিল ।
ভজা খাদ্য: পকৰি, পুৰি, ৱড়া আদি ডিপ ফ্ৰাইড খাদ্য খোৱাৰ পৰা বিৰত থাকিব লাগে । আচলতে ভজা খাদ্যই চুলি সৰাৰ অন্যতম কাৰণ হ‘ব পাৰে আৰু আপোনাৰ চুলি সৰা সমস্যা যথেষ্ট বৃদ্ধি কৰিব পাৰে । কাৰণ ডিপ ফ্ৰাই কৰা বস্তুবোৰে চুলিৰ স্বাস্থ্যৰ ওপৰত নেতিবাচক প্ৰভাৱ পেলাব পাৰে ।
ৰঙা মাংস: ৰঙা মাংস সেৱন কৰিলেও চুলি সৰোৱা বৃদ্ধি কৰিব পাৰে । সেইবাবেই ৰঙা মাংস পৰিহাৰ কৰিব লাগে । আচলতে ৰঙা মাংসই চেবাম আৰু অইল গ্ৰন্থিৰ হাইপাৰ এক্টিভিটিৰ সৃষ্টি কৰে যিয়ে চুলি দুৰ্বল কৰি চুলি সৰা বৃদ্ধি কৰে ।
লগতে পঢ়ক: Pineapple Benefits: আপোনাৰ শৰীৰৰ বাবে মহৌষধস্বৰূপ আনাৰস; গতিকে আনাৰস খাওক, স্বাস্থ্য বনাওক
