চিটাৰা ডেস্ক, ১২ মাৰ্চ: বলীউডৰ অভিনেত্ৰী কেটৰিণা কাইফ কিবা নহয় কিবা কাৰণত প্ৰায়ে বাতৰিৰ শিৰোনামত থাকে । শেহতীয়াকৈ অভিনেত্ৰীগৰাকীক মুম্বাই বিমানবন্দৰত দেখা গৈছিল, যাৰ ভিডিঅ’ ছ’চিয়েল মিডিয়াত ভাইৰেল হৈ পৰিছে ।
অনুৰাগীৰ পৰা কেটৰিণা পালে উপহাৰ
আচলতে সোমবাৰে কেটৰিণাই বেংগালুৰুলৈ গৈছিল 'ডব্লিউ পি এল' অৰ্থাৎ 'মহিলা প্ৰিমিয়াৰ লীগ ২০২৪'ত ইউ পি ৱাৰিয়ৰ্ছ দলৰ বাবে উল্লাস কৰিবলৈ । এই সময়ছোৱাত অভিনেত্ৰীগৰাকীয়ে ইনষ্টাগ্ৰামত বহু ছবিও শ্বেয়াৰ কৰিছে । এতিয়া অভিনেত্ৰীগৰাকী মুম্বাইলৈ উভতি অহাৰ সময়ত বিমানবন্দৰত এজন অনুৰাগীয়ে কেটৰিণাক বিশেষ উপহাৰ দি আনন্দিত কৰি তুলিছে ।
ভিডিঅ’টোত দেখা গৈছে কেটৰিণা এয়াৰপ’ৰ্টৰ পৰা ওলাই নিজৰ গাড়ীত বহিবলৈ যোৱাৰ লগে লগে এজন অনুৰাগী দৌৰি আহি অভিনেত্ৰীগৰাকীক এজোপা গোলাপ ফুল দিয়ে । ইয়াৰ পিচত অভিনেত্ৰীগৰাকীয়ে হাঁহি অনুৰাগীৰ পৰা লাভ কৰা এই সুন্দৰ উপহাৰটো আনন্দৰে গ্ৰহণ কৰে । তেওঁৰ এই ভিডিঅ’টো ছচিয়েল মিডিয়াত অতি ভাইৰেল হৈ পৰিছে ।
কেটৰিণা গৰ্ভৱতী নেকি ?
এই সময়ছোৱাত কেটৰিণাই পলকা ডট থকা দীঘল বগা পোছাক পৰিধান কৰিছিল আৰু তাৰ ওপৰত ক’লা চামৰাৰ জেকেট পিন্ধিছিল । অভিনেত্ৰীগৰাকীৰ এই বিমানবন্দৰৰ লুকটো ছ’চিয়েল মিডিয়াত চৰ্চাৰ বিষয় হৈ পৰিছে । কাৰণ ঢিলা পোছাকত কেটৰিণাক দেখাৰ পিচত অনুৰাগীয়ে দাবী কৰিছে যে অভিনেত্ৰীগৰাকী গৰ্ভৱতী । ভিডিঅ’টোৰ ওপৰত সকলোৱে নিজৰ মতামত ব্যক্ত কৰিছে । নেটিজেনে অভিনেত্ৰীগৰাকীৰ সাজ-পোছাকক ‘প্ৰেগনেন্সি ড্ৰেছ’ বুলি অভিহিত কৰাৰ বিপৰীতে আন এজন ব্যৱহাৰকাৰীয়ে মন্তব্যত লিখিছে যে ‘‘কেটৰিণাই বেবী বাম্প লুকুৱাবলৈ এনে ঢিলা ড্ৰেছ পিন্ধিছে ।’’
লগতে পঢ়ক: গুজৰাটী ষ্টাইলত হ’বলগীয়া পিতৃ-মাতৃ দীপিকা-ৰণবীৰক অভিনন্দন জনালে ৰাধিকাই
