పశ్చిమ గోదావరి జిల్లా చింతలపూడి పోలీస్ స్టేషన్లో అక్రమ మద్యం రవాణా కేసుల్లో స్వాధీనం చేసుకున్న వాహనాలకు వేలం నిర్వహించారు. ఈ వేలంలో 32 వాహనాలకు రూ. 13.42 లక్షల ఆదాయం వచ్చిందని పోలీసులు తెలిపారు. నగదు ప్రభుత్వ ఖజానాకు జమ చేస్తామని చెప్పారు.
యువత చట్ట వ్యతిరేక కార్యక్రమాలకు పాల్పడి భవిష్యత్తును నాశనం చేసుకోవద్దని జిల్లా అడిషనల్ ఎస్పీ జయరామరాజు తెలిపారు. మద్యం అక్రమ రవాణా, గుట్కా రవాణా వంటివాటికి పాల్పడితే కఠిన చర్యలు తీసుకుంటామని హెచ్చరించారు. ఈ కార్యక్రమంలో పలువురు జిల్లా అధికారులు పాల్గొన్నారు.