రాయలసీమకు వైసీపీ ప్రభుత్వం ద్రోహం చేస్తోంది
Byreddy Rajashekar Reddy : వైసీపీ ప్రభుత్వం సీమకు ద్రోహం చేస్తోందని రాయలసీమ స్టీరింగ్ కమిటీ కన్వీనర్ బైరెడ్డి రాజశేఖర్రెడ్డి విమర్శించారు. ఇంత వరకు కర్నూలుకు హైకోర్టు రాలేదని, బెంచ్ కూడా ఏర్పాటు చేయలేదని మండిపడ్డారు. ఆదోనిలో మీడియా సమావేశం నిర్వహించిన ఆయన.. సిద్దేశ్వరం వద్ద కృష్ణా నదిపై తీగల వంతెన కాకుండా.. రోడ్ కం బ్యారేజ్‌ నిర్మించాలని డిమాండ్ చేశారు. వైసీపీ నాయకులు ఆదోనిని మట్కా కేంద్రంగా మార్చారని మండిపడ్డారు. సీమకు జరిగిన ద్రోహానికి నిరసనగా.. ఈ నెల 28న రాయలసీమ స్టీరింగ్ కమిటీ ఆధ్వర్యంలో సిద్దేశ్వరం దగ్గర భారీ ప్రదర్శన చేస్తామని తెలిపారు.