గుంటూరు జిల్లా ఈపూరు మండలంలోని బొమ్మరాజుపల్లి వద్ద జరిగిన రోడ్డు ప్రమాదంలో ఓ యువకుడు మృతి చెందాడు. కారంపూడి మండలం గాదెవారిపాలెం గ్రామానికి చెందిన రామారావు... తన అత్తగారి గ్రామమైన బొమ్మరాజుపల్లికి వచ్చాడు.
ద్విచక్రవాహనంపై స్వగ్రామానికి వెళ్తుండగా బొమ్మరాజుపల్లి మలుపు వద్ద వరికోత మిషన్ను ఢీ కొట్టాడు. తీవ్ర గాయాలపాలైన రామారావు అక్కడికక్కడే మృతి చెందినట్లు పోలీసులు తెలిపారు. మృతుని భార్య ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.