చిత్తూరు జిల్లా శ్రీకాళహస్తీశ్వర ఆలయం దర్శన వేళలు మార్పు చేసినట్లు ఆలయ ఈవో పెద్దిరాజు తెలిపారు. జిల్లాలో కరోనా కేసులు అధికంగా ఉండటంతో జూన్ ఒకటి నుంచి జిల్లా వ్యాప్తంగా కర్ఫ్యూ ఆంక్షలు సవరిస్తూ జిల్లా ఉన్నతాధికారులు నిర్ణయం తీసుకున్నారు.
ఉదయం 6 గంటల నుంచి 9 గంటల వరకు మాత్రమే దర్శన సమయాన్ని కుదించారు. ఆ సమయంలో మాత్రమే రాహు, కేతు పూజలు నిర్వహించనున్నారు. ఉదయం 9 తర్వాత దర్శనాలకు అనుమతి లేదని సృష్టం చేశారు. పరోక్ష సేవలు మాత్రం యథావిధిగా కొనసాగనున్నాయి.