పట్టభద్రులకు ధ్రువపత్రాలను అందజేస్తున్న దుగ్గల్
చిత్తూరు జిల్లా చంద్రగిరి మండలం ఏ రంగంపేటలో శ్రీ విద్యానికేతన్ ఇంజనీరింగ్ కళాశాలలో 8వ పట్టభద్రుల దినోత్సవం ఘనంగా నిర్వహించారు. ఈ కార్యక్రమానికి ప్రభుత్వ మాజీ హోం సెక్రటరీ వినోద్ కుమార్ దుగ్గల్ ముఖ్య అతిథిగా విచ్చేశారు. పుట్టుకతో ఎవరు గొప్ప వాళ్ళు కారని.. గొప్ప మనసు, తెలివితేటలు ఉంటే ఏ రంగంలోనైనా రాణించవచ్చని విద్యాసంస్థల అధినేత మంచుమోహన్ బాబు అన్నారు. దుగ్గల్ మాట్లాడుతూ విద్యార్థులు ఈ స్థితికి రావడానికి కారకులైన తల్లితండ్రులను ఆజన్మాంతం గుర్తుంచుకోవాలన్నారు. ఈ సంవత్సరం 1310 పట్టభద్రులు దుగ్గల్ చేతుల మీదగా ధ్రువపత్రాలను పొందారు.