అనంతపురం జిల్లా కదిరి ప్రాంతీయ వైద్యశాల పరిధిలో కరోనా పరీక్ష ఫలితాల కోసం ఎదురు చూస్తున్న వారి సంఖ్య పెరుగుతోంది. పరీక్షలు చేయాల్సిన కిట్లు అందుబాటులో లేని కారణంగా... శుక్రవారం నుంచి వచ్చిన వారి వివరాలను మాత్రమే నమోదు చేసుకుంటున్నారు.
సోమవారం పెద్ద సంఖ్యలో కరోనావైరస్ పరీక్షలు నిర్థరణ కోసం ఆస్పత్రికి వచ్చారు. వారి వరుస ఎక్కువగా ఉండడం, జనం గుమిగూడటం, వివరాలు చెప్పేందుకు ఎగబడుతుండటం వల్ల వారిని నియంత్రించడం సిబ్బంది కష్టంగా మారింది.