తెలంగాణలోని జోగులాంబ గద్వాల జిల్లా అలంపూర్ చౌరస్తా వల్ల ఆర్టీసీ బస్సు ప్రమాదానికి గురైంది. కర్నూలు నుంచి హైదరాబాద్ వైపు వెళ్తున్న ఆర్టీసీ బస్సు అలంపూర్ చౌరస్తా సమీపంలో ఘర్ దాబా వద్ద డివైడర్ను ఢీకొట్టడంతో బోల్తా పడింది. ప్రమాదం జరిగిన సమయంలో బస్సులో 32 మంది ఉండగా.. నలుగురికి తీవ్రంగా గాయాలయ్యాయి. క్షతగాత్రులను కర్నూలు ఆసుపత్రికి తరలించారు. మరో ఇద్దరికి స్వల్ప గాయాలయ్యాయి.
బస్సు బలంగా డివైడర్ను ఢీకొట్టడం వల్ల బస్సు రాడ్డు విరిగి వెనక వస్తున్న కారులోకి దూసుకుపోయింది. ఈ ఘటనలో కారులో వెంటనే ఎయిర్ బెలూన్లు తెరుచుకోవటం వల్ల.. అందులో ఉన్న ఇద్దరు ప్రయాణికులు సురక్షితంగా బయటపడ్డారు. ప్రమాద ఘటనలో ఎలాంటి ప్రాణ హాని జరగకవడంతో అంతా ఊపిరి పీల్చుకున్నారు. ఘటనా స్థలానికి చేరుకున్న పోలీసులు, హైవే సిబ్బంది.. రహదారిపై రాకపోకలను పునరుద్ధరించారు. మిగిలిన ప్రయాణికులను వేరువేరు వాహనాల్లో వారి వారి గమ్యస్థానాలకు పంపించారు.