'అక్కడ.. ఐసీఎంఆర్​ పరిశోధన కేంద్రాన్ని ఏర్పాటు చేయాలి'

CBN LETTER : ఎ.కొండూరులో కిడ్నీ సమస్యలపై ఐసీఎంఆర్​ పరిశోధన కేంద్రాన్ని ఏర్పాటు చెయ్యాలని డిపార్ట్‌మెంట్‌ ఆఫ్‌ హెల్త్ రీసెర్చ్‌ సెక్రటరీకి.. చంద్రబాబు లేఖ రాశారు. పెద్ద సంఖ్యలో ప్రజలు మూత్రపిండ సమస్యల బారిన పడుతున్నారని.. లేఖలో ప్రస్తావించారు.

CBN LETTER TO DEPARTMENT OF HEALTH SECRETARY : ఎన్టీఆర్‌ జిల్లా ఎ.కొండూరు మండలంలో.. కిడ్నీ సమస్యలపై ఐసీఎంఆర్​ పరిశోధన కేంద్రాన్ని ఏర్పాటు చెయ్యాలని డిపార్ట్‌మెంట్‌ ఆఫ్‌ హెల్త్ రీసెర్చ్‌ సెక్రటరీకి.. తెలుగుదేశం అధినేత చంద్రబాబు లేఖ రాశారు. ఎ.కొండూరు మండలంలో పెద్ద సంఖ్యలో ప్రజలు మూత్రపిండ సమస్యల బారిన పడుతున్నారని.. లేఖలో ప్రస్తావించారు. దీనివల్ల ఆ ప్రాంతంలోని గిరిజన, దళిత, వెనుకబడిన వర్గాల ప్రజలు తీవ్ర అనారోగ్యం పాలవుతున్నారని.. పేర్కొన్నారు. ఐసీఎంఆర్​ ఒక పరిశోధనా బృందాన్ని పంపి క్షేత్రస్థాయిలో పరిశోధన చేయాలని సూచించారు. పెరిగిన సమస్య తీవ్రత దృష్ట్యా.. సమగ్ర పరిశోధనలు చేయాల్సిన అవసరం ఉందని పేర్కొన్నారు. ప్రజల ప్రాణాలు తీస్తున్న కిడ్నీ సమస్యకు పరిష్కారం చూపాలని కోరారు.

ఇవీ చదవండి: