ETV Bharat / videos

YSRCP Leaders Give Money: ఏలూరులో నిర్వహిస్తున్న సీఎం జగన్ సిద్ధం సభకు జనాన్ని తరలించేందుకు అధికార పార్టీ నేతలు నానా తంటాలు పడుతున్నారు. కొంత మంది అధికార పార్టీ నాయకులకు జనసమీకరణ బాధ్యత పెద్ద తలనొప్పిగా మారింది. ఆహారం-బస్సులు ఏర్పాటు చేస్తామన్నా జనాలు రాకపోవడంతో డబ్బులు పంచే కార్యక్రమానికి శ్రీకారం చుట్టారు. ఓట్లు వేసేందుకు డబ్బులు కాదు, సభకు వచ్చేందుకే ఈ డబ్బులు అంటూ స్థానిక నేతలు నోట్లు లెక్కపెట్టి మరీ పంచుతున్నారు. కామవరపుకోట మండలం జీలకర్రగూడెంలో జనాన్ని బస్సుల్లో ఎక్కించి, అందులోనే నగదు పంచుతున్నా దృశ్యాలు ఇప్పుడు వైరల్​గా మారాయి. మహిళలు, పురుషులు, వృద్ధులకు నోట్లు పంపిణీ చేస్తున్న వీడియో హల్ చల్ చేస్తోంది. 

రానున్న ఎన్నికల నేపథ్యంలో వైఎస్సార్​ కాంగ్రెస్​ పార్టీ ఎన్నికలకు సమయత్తమవుతోంది. ఈ క్రమంలోనే ఆ పార్టీ అధినేత జగన్ 'సిద్ధం' పేరుతో బహిరంగ సభను నిర్వహిస్తోన్నారు. రాష్ట్రవ్యాప్తంగా ఈ సభలను నిర్వహించాలని జగన్ భావించడంత, వైసీపీ శ్రేణులు కూడా జనాల్ని తీసుకురావడం ప్రతిష్టాత్మకంగా తీసుకున్నారు. ప్రభుత్వ వ్యతిరేకతతో జనాలు జగన్ సభకు హజరు అయ్యేందుకు ఆసక్తి చూపకపోవడంతో డబ్బులు పంచీ జనాల్ని తీసుకొస్తున్నారనే వాదన వ్యక్తమవుతోంది.