ఎక్కడికి వెళ్లినా టీడీపీ హయాంలో వేసిన రోడ్లే కనిపిస్తున్నాయి : వెనిగండ్ల రాము - MLA Candidate Venigandla Ramu

ప్రజలకు మౌలిక వసతులు కల్పించడంలో వైసీపీ ప్రభుత్వం విఫలమైందని రాము ఆరోపించారు. నియోజకవర్గంలో ఏ ప్రాంతానికి వెళ్లినా గతంలో టీడీపీ వేసిన రోడ్లు మాత్రమే దర్శనమిస్తున్నాయని తెలిపారు. ఐదేళ్లలో వైసీపీ ప్రభుత్వం ఏం చేయలేదని ప్రజలే చెబుతున్నారని తెలిపారు. ప్రజల అవసరాలకు తీర్చలేని ప్రభుత్వాన్ని ఇంటికి పంపాల్సిన సమయం ఆసన్నమైందని తెలిపారు. వాలంటీర్​ వ్యవస్థను కొనసాగిస్తానని చంద్రబాబు స్పష్టం చేశారని తెలిపారు. వాలంటీర్లకు ఉద్యోగ భద్రత కల్పించడమే కాక, వారి జీతాలు రెట్టింపు చేస్తామని చంద్రబాబు హామీ ఇచ్చారని తెలిపారు.