Irrigation Water Problems in Kakinada District :ఖరీఫ్‌లో పచ్చని పంటలతో కళకళలాడే ఉమ్మడి తూర్పుగోదావరి జిల్లాలో రబీ వచ్చిందంటే చాలు వరి సాగుకు నీటి కటకట మొదలవుతుంది. ఆయకట్టు శివారు ప్రాంతాల్లో పరిస్థితి మరింత దారుణంగా తయారవుతుంది. కాకినాడ జిల్లా తాళ్లరేవు మండలంలోని పి.మల్లవరం పంచాయతీ పరిధిలోని పత్తిగొంది, గ్రాంటు గ్రామాల్లో వెయ్యి ఎకరాల్లో వరి పంట ఎండిపోతోంది. పొలాలు నెర్రెలు ఇచ్చి బీటలు వారుతున్నాయి. దాళ్వలో అధిక శాతం ఎదజల్లు విధానంలో వరి పంట సాగు చేస్తున్నారు. 22 రోజులుగా నీరు అందకపోవడంతో పంటలు ఎండిపోతున్న పరిస్థితి నెలకొంది. నీళ్లు ఇస్తామని చెప్పిన అధికారులు ముఖం చాటేయడంతో రైతులు లబోదిబోమంటున్నారు.
చెప్పేది ఒకటి చేసేది ఇంకోటి - జగన్ మాయ మాటలతో రైతులకు తప్పని వెతలు
Drought Conditions to Pady :తాళ్లరేవు మండలంలో గోదావరి నుంచి వచ్చే నీరే పంటలకు ఆధారం. ఆయకట్టు రైతులు గొర్రిపూడి ప్రధాన పంట కాల్వలో నీటిని ఎత్తిపోతల ద్వారా శివారు భూములకు తరలిస్తారు. ఎత్తిపోతల పథకం, కాల్వల నిర్వహణ, సిబ్బంది జీత భత్యాల కోసం దాళ్వలో ఎకరానికి 2 వేల చొప్పున రైతులు కేటాయిస్తారు. అయినా నిర్వహణ లోపభూయిష్టంగా మారింది. ఎదజల్లిన వరి సాగుకు సకాలంలో నీరు అందడం లేదు. పంట కాలవల్లో జలవనరుల శాఖ అధికారులు పూడిక తీయించక రైతులే ఆ పనులు చేసుకుంటున్నారు. మోటార్లతో నీరు తోడుకుంటున్నారు. నీరు అందని పొలాలు ఎండిపోతున్న పరిస్థితుల్లో రైతులు తీవ్ర ఆవేదన చెందుతున్నారు.
సాగునీటి కష్టాలను ఎదుర్కోంటోన్న రాయలసీమ- కరువు ప్రభావం ఎలా ఉంది