ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਤੋਂ ਅੱਜ ਦਾ ਹੁਕਮਨਾਮਾ
ਪੰਜਾਬੀ ਵਿਆਖਿਆ:ਸਲੋਕ ਮਃ ੩ ॥ ਇਸ ਮਨ ਨੂੰ ਕਈ ਜਨਮਾਂ ਦੀ ਮੈਲ ਲੱਗੀ ਹੋਈ ਹੈ ਜਿਸ ਕਰਕੇ ਇਹ ਬਹੁਤ ਹੀ ਕਾਲਾ ਹੋਇਆ ਹੈ, ਜੋ ਚਿੱਟਾ/ਸਾਫ਼ ਨਹੀਂ ਹੋ ਸਕਦਾ, ਭਾਵੇਂ ਸੌ ਵਾਰ ਧੋਣ ਦੀ ਕੋਸ਼ਿਸ਼ ਕਰਨ ਉੱਤੇ ਵੀ, ਜਿਵੇਂ ਭੋਲੀ ਦੀ ਲੀਰ ਧੋਣ ਦੇ ਬਾਵਜੂਦ ਚਿੱਟੀ ਨਹੀਂ ਹੁੰਦੀ। ਉੰਝ ਹੀ, ਮਨ ਵੀ ਪ੍ਰਮਾਤਮਾ ਦਾ ਨਾਮ ਜਪਣ ਤੋਂ ਬਿਨਾਂ ਸਾਫ਼ ਨਹੀਂ ਹੋ ਸਕਦਾ।
ਹੇ ਨਾਨਕ, ਜੇ ਗੁਰੂ ਦੀ ਕ੍ਰਿਪਾ ਨਾਲ ਮਨ ਜਿਊਂਦਾ ਹੀ ਮਰ ਜਾਵੇ ਅਤੇ ਮਾਇਆ ਕਰਕੇ ਮਤ/ਅਕਲ ਉਲਟ ਹੋ ਜਾਵੇ, ਤਾਂ ਮੈਲ ਵੀ ਨਹੀਂ ਲੱਗਦੀ ਤੇ ਫਿਰ ਜੂਨਾਂ ਵਿੱਚ ਵੀ ਨਹੀਂ ਪੈਂਦਾ।੧। ਚਾਰੋਂ ਜੁਗਾਂ ਵਿੱਚ ਕਲਯੁਗ ਹੀ ਕਾਲਾ ਅਖਵਾਉਂਦਾ ਹੈ, ਪਰ ਇਸ ਜੁਗ ਵਿੱਚ ਵੀ ਇਕ ਉੱਤਮ ਪਦਵੀਂ ਮਿਲ ਸਕਦੀ ਹੈ। ਉਹ ਪਦਵੀਂ, ਅਹੁਦਾ ਇਹ ਹੈ ਕਿ ਜਿਨ੍ਹਾਂ ਦੇ ਹਿਰਦੇ ਵਿੱਚ ਹਰਿ ਭਗਤੀ ਰੂਪ ਲੇਖ ਪਿਛਲੀ ਕੀਤੀ ਕਮਾਈ ਅਨੁਸਾਰ ਲਿਖ ਦਿੰਦਾ ਹੈ। ਉਹ ਗੁਰਮੁਖ ਹਰਿ ਦੀ ਸਿਫ਼ਤਿ ਰੂਪੀ ਫਲ ਇਸੇ ਜੁੱਗ ਵਿੱਚ ਪ੍ਰਾਪਤ ਕਰਦੇ ਹਨ।