ਸਿਡਨੀ: ਸਾਲ ਦਾ ਪਹਿਲਾ ਗ੍ਰੈਂਡ ਸਲੈਮ-ਆਸਟਰੇਲੀਆਈ ਓਪਨ 8 ਫਰਵਰੀ ਤੋਂ ਸ਼ੁਰੂ ਹੋਵੇਗਾ ਅਤੇ 21 ਫਰਵਰੀ ਤੱਕ ਚੱਲੇਗਾ। ਕੋਰੋਨਾ ਦੇ ਕਾਰਨ ਹਾਰਡ ਕੋਰਟ ਈਵੈਂਟ ਦਾ ਇਹ ਸਮਾਗਮ ਜਨਵਰੀ ਦੀ ਬਜਾਏ ਫਰਵਰੀ ਵਿੱਚ ਆਯੋਜਿਤ ਕੀਤਾ ਜਾ ਰਿਹਾ ਹੈ।
ਪੇਸ਼ੇਵਰ ਟੈਨਿਸ ਐਸੋਸੀਏਸ਼ਨ (ਏਟੀਪੀ) ਨੇ ਆਸਟਰੇਲੀਆਈ ਓਪਨ ਦੀ ਨਵੀਂ ਤਰੀਕ ਦੀ ਪੁਸ਼ਟੀ ਕੀਤੀ ਹੈ। ਏਟੀਪੀ ਨੇ ਕੋਰੋਨਾ ਦੇ ਕਾਰਨ ਸੀਜ਼ਨ ਦੇ ਪਹਿਲੇ ਸੱਤ ਹਫ਼ਤਿਆਂ ਲਈ ਆਪਣਾ ਕਾਰਜਕਾਲ ਬਦਲਿਆ ਹੈ।
ਏ.ਟੀ.ਪੀ. ਨੇ ਕਿਹਾ ਹੈ ਕਿ ਆਸਟਰੇਲੀਆਈ ਓਪਨ ਲਈ ਪੁਰਸ਼ਾਂ ਦਾ ਕੁਆਲੀਫਾਈ ਈਵੈਂਟ 10 ਤੋਂ 13 ਜਨਵਰੀ ਤੱਕ ਦੋਹਾ ਵਿੱਚ ਹੋਵੇਗਾ। ਇਸ ਤੋਂ ਬਾਅਦ, ਖਿਡਾਰੀ ਮੈਲਬਰਨ ਵਿੱਚ ਇਕੱਠੇ ਹੋਣਗੇ ਅਤੇ 14 ਦਿਨਾਂ ਲਈ ਕੁਆਰੰਟੀਨ ਹੋਣਗੇ।
ਇਸ ਮਗਰੋਂ ਖਿਡਾਰੀ ਮੈਲਬਰਨ ਵਿੱਚ 12 ਟੀਮਾਂ ਦੇ ਏਟੀਪੀ ਕੱਪ ਵਿੱਚ ਖੇਡਣਗੇ। ਇਸ ਟੂਰਨਾਮੈਂਟ ਦੇ ਨਾਲ ਐਡੀਲੇਡ ਇੰਟਰਨੈਸ਼ਨਲ ਟੂਰਨਾਮੈਂਟ ਅਤੇ ਇੱਕ ਵਾਧੂ ਏਟੀਪੀ 250 ਟੂਰਨਾਮੈਂਟ ਵੀ ਖੇਡਿਆ ਜਾਵੇਗਾ।
ਏ.ਟੀ.ਪੀ. ਕੱਪ ਪੁਰਸ਼ ਈਵੈਂਟ ਮੈਲਬਰਨ ਵਿੱਚ 1-5 ਫਰਵਰੀ ਤੱਕ ਹੋਵੇਗਾ, ਜਦੋਂ ਕਿ ਆਸਟਰੇਲੀਆਈ ਓਪਨ 8 ਫਰਵਰੀ ਨੂੰ ਸ਼ੁਰੂ ਹੋਵੇਗਾ।
