ਨਵੀਂ ਦਿੱਲੀ: ਸਮ੍ਰਿਤੀ ਮੰਧਾਨਾ ਦੀ ਅਗਵਾਈ ਵਾਲੀ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਅੱਜ ਦੂਜੀ ਵਾਰ ਮੇਗ ਲੈਨਿੰਗ ਦੀ ਦਿੱਲੀ ਕੈਪੀਟਲਜ਼ (ਡੀ.ਸੀ.) ਨਾਲ ਭਿੜੇਗੀ। ਇਹ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦਾ ਪੰਜਵਾਂ ਮੈਚ ਹੈ। ਸਮ੍ਰਿਤੀ ਮੰਧਾਨਾ ਦੀ ਟੀਮ ਚਾਰ ਮੈਚਾਂ ਵਿੱਚ ਹਾਰ ਚੁੱਕੀ ਹੈ। ਇਸ ਦੇ ਨਾਲ ਹੀ ਦਿੱਲੀ ਕੈਪੀਟਲਸ ਆਪਣੇ ਚਾਰ ਮੈਚਾਂ ਵਿੱਚੋਂ ਇੱਕ ਹਾਰ ਗਈ ਹੈ। ਦੋਵਾਂ ਵਿਚਕਾਰ ਪਹਿਲਾ ਮੈਚ 5 ਮਾਰਚ ਨੂੰ ਹੋਇਆ ਸੀ ਜਿਸ ਵਿੱਚ ਡੀਸੀ ਨੇ ਆਰਸੀਬੀ ਨੂੰ 60 ਦੌੜਾਂ ਨਾਲ ਹਰਾਇਆ ਸੀ।
ਇਹ ਵੀ ਪੜੋ:India Beat Australia in Hockey Match: ਹਰਮਨਪ੍ਰੀਤ ਦੀ ਹੈਟ੍ਰਿਕ ਦੀ ਬਦੌਲਤ ਭਾਰਤ ਦੀ ਸ਼ਾਨਦਾਰ ਜਿੱਤ
ਰਾਇਲ ਚੈਲੰਜਰਜ਼ ਬੈਂਗਲੁਰੂ ਲਈ ਵੱਡਾ ਮੈਚ:RCB 6 ਮਾਰਚ ਨੂੰ ਆਪਣਾ ਦੂਜਾ ਮੈਚ ਮੁੰਬਈ ਇੰਡੀਅਨਜ਼ ਤੋਂ 9 ਵਿਕਟਾਂ ਨਾਲ ਹਾਰ ਗਿਆ ਸੀ। ਰਾਇਲਜ਼ ਦੀ ਹਾਰ ਦੀ ਹੈਟ੍ਰਿਕ 8 ਮਾਰਚ ਨੂੰ ਹੋਈ ਜਦੋਂ ਟੀਮ ਨੂੰ ਗੁਜਰਾਤ ਜਾਇੰਟਸ ਨੇ ਰੋਮਾਂਚਕ ਮੈਚ ਵਿੱਚ 11 ਦੌੜਾਂ ਨਾਲ ਹਰਾਇਆ। 10 ਮਾਰਚ ਨੂੰ ਸਮ੍ਰਿਤੀ ਦੀ ਟੀਮ ਨੂੰ ਯੂਪੀ ਵਾਰੀਅਰਜ਼ ਨੇ 10 ਵਿਕਟਾਂ ਨਾਲ ਹਰਾਇਆ ਸੀ। ਇਕ ਤੋਂ ਬਾਅਦ ਇਕ ਹਾਰਾਂ ਦਾ ਸਾਹਮਣਾ ਕਰ ਰਹੀ ਰਾਇਲਜ਼ ਟੀਮ ਦੇ ਖਿਡਾਰੀ ਇਨ੍ਹਾਂ ਹਾਰਾਂ ਤੋਂ ਉਭਰ ਕੇ ਮੁੜ ਜਿੱਤ ਲਈ ਮੈਦਾਨ ਵਿਚ ਉਤਰਨਗੇ। ਆਰਸੀਬੀ ਕੋਲ ਕਨਿਕਾ ਆਹੂਜਾ, ਸੋਫੀ ਡਿਵਾਈਨ, ਰਿਚਾ ਘੋਸ਼ ਵਰਗੇ ਚੰਗੇ ਬੱਲੇਬਾਜ਼ ਹਨ। ਇਸ ਦੇ ਨਾਲ ਹੀ ਰੇਣੂਕਾ ਸਿੰਘ, ਪ੍ਰੀਤੀ ਬੋਸ ਅਤੇ ਮੇਗਨ ਸ਼ਟ ਵਰਗੇ ਗੇਂਦਬਾਜ਼ ਵੀ ਹਨ। ਪਰ ਇਸ ਸਭ ਦੇ ਬਾਵਜੂਦ, ਆਰਸੀਬੀ ਅਜੇ ਜਿੱਤ ਨਹੀਂ ਸਕੀ ਹੈ।