ਪੰਜਾਬ

punjab

TikTok CEO grilled : ਅਮਰੀਕਾ 'ਚ ਟਿੱਕ ਟਾਕ ਦੇ CEO ਤੋਂ ਚੀਨ ਦੇ ਸਬੰਧ 'ਚ ਪੁੱਛਗਿੱਛ, ਭਾਰਤ ਦਾ ਵੀ ਉਠਾਇਆ ਮੁੱਦਾ

By

Published : Mar 24, 2023, 8:27 AM IST

ਅਮਰੀਕਾ 'ਚ ਟਿੱਕ ਟਾਕ ਦੇ ਸੀਈਓ ਤੋਂ ਡਾਟਾ ਸ਼ੇਅਰਿੰਗ ਨੂੰ ਲੈ ਕੇ ਪੁੱਛਗਿੱਛ ਕੀਤੀ ਗਈ ਸੀ। ਇਸ ਦੌਰਾਨ ਸੀਈਓ ਨੇ ਭਾਰਤ ਦੀ ਪਾਬੰਦੀ ਨੂੰ 'ਕਾਲਪਨਿਕ' ਅਤੇ 'ਸਿਧਾਂਤਕ' ਦੱਸਿਆ।

TikTok CEO grilled
TikTok CEO grilled

ਵਾਸ਼ਿੰਗਟਨ: ਟਿੱਕ ਟਾਕ ਦੇ ਸੀਈਓ ਸ਼ਾਅ ਜੀ ਚਿਊ ਨੇ ਸੁਰੱਖਿਆ ਚਿੰਤਾਵਾਂ ਅਤੇ ਕੰਪਨੀ 'ਤੇ ਚੀਨੀ ਸਰਕਾਰ ਦੇ ਸੰਭਾਵਿਤ ਪ੍ਰਭਾਵ ਦੇ ਵਿਚਕਾਰ ਅਮਰੀਕੀ ਕਾਂਗਰਸ ਦੇ ਸਾਹਮਣੇ ਬਿਆਨ ਦਿੱਤਾ ਹੈ। ਟਿੱਕ ਟਾਕ ਦੇ ਸੀਈਓ ਨੂੰ ਅਮਰੀਕੀ ਕਮੇਟੀ ਦੇ ਸਾਹਮਣੇ ਸਵਾਲਾਂ ਦਾ ਸਾਹਮਣਾ ਕਰਨਾ ਪਿਆ। ਸੀਈਓ ਤੋਂ ਕਰੀਬ ਚਾਰ ਘੰਟੇ ਪੁੱਛਗਿੱਛ ਕੀਤੀ ਗਈ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਚੀਨੀ ਟੈਕਨਾਲੋਜੀ ਕੰਪਨੀ ਬਾਈਟਡਾਂਸ ਦੀ ਮਲਕੀਅਤ ਵਾਲੀ ਟਿੱਕ ਟੋਕ ਐਪ ਨੇ ਚੀਨੀ ਸਰਕਾਰ ਨਾਲ ਅਜਿਹਾ ਕੋਈ ਡਾਟਾ ਸਾਂਝਾ ਨਹੀਂ ਕੀਤਾ ਜਿਸ ਨਾਲ ਕੋਈ ਖ਼ਤਰਾ ਪੈਦਾ ਹੋ ਸਕਦਾ ਹੈ। ਅਮਰੀਕਾ ਵਿੱਚ ਟਿਕ ਟਾਕ ਦੇ 150 ਮਿਲੀਅਨ ਉਪਭੋਗਤਾ ਹਨ।

ਅਮਰੀਕੀ ਸੰਸਦ ਮੈਂਬਰ ਡੇਬੀ ਲੇਸਕੋ ਨੇ ਆਪਣੀ ਪੁੱਛਗਿੱਛ ਦੌਰਾਨ ਭਾਰਤ ਅਤੇ ਹੋਰ ਦੇਸ਼ਾਂ ਦਾ ਹਵਾਲਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਭਾਰਤ ਸਮੇਤ ਕੁਝ ਹੋਰ ਦੇਸ਼ਾਂ ਵਿੱਚ ਕਿਸੇ ਨਾ ਕਿਸੇ ਰੂਪ ਵਿੱਚ ਟਿੱਕ ਟਾਕ 'ਤੇ ਪਾਬੰਦੀ ਲਗਾਈ ਗਈ ਹੈ। ਲੇਸਕੋ ਤੋਂ ਪੁੱਛਿਆ ਗਿਆ, 'ਇਹ (ਟਿਕ ਟੋਕ) ਇਕ ਅਜਿਹਾ ਸਾਧਨ ਹੈ ਜੋ ਆਖਿਰਕਾਰ ਚੀਨੀ ਸਰਕਾਰ ਦੇ ਨਿਯੰਤਰਣ ਵਿਚ ਹੈ ਅਤੇ ਰਾਸ਼ਟਰੀ ਸੁਰੱਖਿਆ ਲਈ ਚਿੰਤਾ ਦਾ ਵਿਸ਼ਾ ਹੈ। ਸਬੰਧਤ ਦੇਸ਼ ਅਤੇ ਅਮਰੀਕਾ ਦੀ ਐਫਬੀਆਈ ਡਾਇਰੈਕਟਰ ਗਲਤ ਕਿਵੇਂ ਹੋ ਸਕਦੀ ਹੈ ?

ਸੀਈਓ ਨੇ ਇਨ੍ਹਾਂ ਦੋਸ਼ਾਂ ਨੂੰ ਇਕ ਪਾਸੇ ਕਰਦਿਆਂ ਕਿਹਾ ਕਿ ਬਹੁਤ ਸਾਰੇ ਦੋਸ਼ ਕਾਲਪਨਿਕ ਅਤੇ ਸਿਧਾਂਤਕ ਜੋਖਮ ਹਨ। ਮੈਂ ਇਸ ਬਾਰੇ ਕੋਈ ਸਬੂਤ ਨਹੀਂ ਦੇਖਿਆ। ਇਸ ਦੌਰਾਨ ਅਮਰੀਕੀ ਸੰਸਦ ਮੈਂਬਰ ਨੇ ਇਕ ਵਾਰ ਫਿਰ ਦੁਹਰਾਇਆ ਅਤੇ ਭਾਰਤ ਵਲੋਂ ਲਗਾਈ ਗਈ ਪਾਬੰਦੀ 'ਤੇ ਜ਼ੋਰ ਦਿੱਤਾ। ਅਮਰੀਕੀ ਸੰਸਦ ਮੈਂਬਰ ਨੇ ਕਿਹਾ ਕਿ ਭਾਰਤ ਨੇ ਸਾਲ 2020 'ਚ ਟਿਕ ਟਾਕ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।

21 ਮਾਰਚ ਨੂੰ ਫੋਰਬਸ ਦੇ ਇੱਕ ਲੇਖ ਵਿੱਚ ਖੁਲਾਸਾ ਹੋਇਆ ਸੀ ਕਿ ਕਿਵੇਂ ਟਿੱਕ ਟਾਕ ਦੀ ਵਰਤੋਂ ਕਰਨ ਵਾਲੇ ਭਾਰਤੀ ਨਾਗਰਿਕਾਂ ਦਾ ਡੇਟਾ ਬੀਜਿੰਗ ਅਧਾਰਤ ਮੂਲ ਕੰਪਨੀ ਦੇ ਕਰਮਚਾਰੀਆਂ ਤੱਕ ਆਸਾਨੀ ਨਾਲ ਪਹੁੰਚਯੋਗ ਸੀ। TikTok ਦੇ ਇੱਕ ਕਰਮਚਾਰੀ ਨੇ ਫੋਰਬਸ ਨੂੰ ਦੱਸਿਆ ਕਿ ਕੰਪਨੀ ਦੇ ਟੂਲਸ ਤੱਕ ਮੁਢਲੀ ਪਹੁੰਚ ਵਾਲਾ ਕੋਈ ਵੀ ਉਪਭੋਗਤਾ ਦੇ ਨਜ਼ਦੀਕੀ ਸੰਪਰਕ ਅਤੇ ਹੋਰ ਸੰਵੇਦਨਸ਼ੀਲ ਜਾਣਕਾਰੀ ਆਸਾਨੀ ਨਾਲ ਸਿੱਖ ਸਕਦਾ ਹੈ।

ਇਹ ਵੀ ਪੜੋ:-UK Prime Minister Rishi Sunak played cricket: ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਟੀ-20 ਵਿਸ਼ਵ ਕੱਪ ਚੈਂਪੀਅਨ ਟੀਮ ਨਾਲ ਖੇਡਿਆ ਕ੍ਰਿਕਟ

ਚਿਊ ਨੇ ਜਵਾਬ ਦਿੱਤਾ, 'ਇਹ ਹਾਲ ਹੀ ਦਾ ਲੇਖ ਹੈ। ਮੈਂ ਆਪਣੀ ਟੀਮ ਨੂੰ ਇਸ ਦੀ ਜਾਂਚ ਕਰਨ ਲਈ ਕਿਹਾ ਹੈ। ਸਾਡੇ ਕੋਲ ਸਖਤ ਡਾਟਾ ਐਕਸੈਸ ਪ੍ਰੋਟੋਕੋਲ ਹਨ। ਭਾਰਤ ਨੇ ਗੋਪਨੀਯਤਾ ਅਤੇ ਸੁਰੱਖਿਆ ਚਿੰਤਾਵਾਂ ਨੂੰ ਦੇਖਦੇ ਹੋਏ 2020 ਵਿੱਚ ਦੇਸ਼ ਭਰ ਵਿੱਚ TikTok ਅਤੇ ਦਰਜਨਾਂ ਹੋਰ ਚੀਨੀ ਐਪਾਂ 'ਤੇ ਪਾਬੰਦੀ ਲਗਾ ਦਿੱਤੀ ਸੀ, ਜਿਸ ਵਿੱਚ ਮੈਸੇਜਿੰਗ ਐਪ WeChat ਵੀ ਸ਼ਾਮਲ ਹੈ। LAC 'ਤੇ ਚੀਨੀ ਸੈਨਿਕਾਂ ਨਾਲ ਝੜਪ ਦੇ ਤੁਰੰਤ ਬਾਅਦ ਭਾਰਤ ਵੱਲੋਂ ਪਾਬੰਦੀ ਲਗਾਈ ਗਈ ਸੀ।

ABOUT THE AUTHOR

...view details