Shreyas Talpade ਨੂੰ ਇਸ ਦਿਨ ਹਸਪਤਾਲ ਤੋਂ ਮਿਲੇਗੀ ਛੁੱਟੀ, ਜਾਣੋ ਕਿਵੇਂ ਹੈ ਅਦਾਕਾਰ ਦੀ ਹਾਲਤ

Shreyas Talpade Health Update: ਫਿਲਮ ਮੇਕਰ ਸੋਹਮ ਸ਼ਾਹ ਨੇ ਸ਼੍ਰੇਅਸ ਤਲਪੜੇ ਦੀ ਹੈਲਥ ਅਪਡੇਟ ਬਾਰੇ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਦੱਸਿਆ ਹੈ ਕਿ ਅਦਾਕਾਰ ਦੀ ਸਿਹਤ ਕਿਵੇਂ ਹੈ ਅਤੇ ਉਨ੍ਹਾਂ ਨੂੰ ਹਸਪਤਾਲ ਤੋਂ ਕਦੋਂ ਛੁੱਟੀ ਮਿਲ ਰਹੀ ਹੈ।

ਮੁੰਬਈ: 'ਗੋਲਮਾਲ' ਫੇਮ ਅਦਾਕਾਰ ਸ਼੍ਰੇਅਸ ਤਲਪੜੇ ਨੂੰ ਆਪਣੀ ਆਉਣ ਵਾਲੀ ਫਿਲਮ 'ਵੈਲਕਮ ਟੂ ਦ ਜੰਗਲ' ਦੀ ਸ਼ੂਟਿੰਗ ਤੋਂ ਬਾਅਦ ਵੀਰਵਾਰ ਨੂੰ ਦਿਲ ਦਾ ਦੌਰਾ ਪੈ ਗਿਆ ਸੀ। ਉਨ੍ਹਾਂ ਨੂੰ ਇਲਾਜ ਲਈ ਬੇਲੇਵਿਊ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਐਂਜੀਓਪਲਾਸਟੀ ਕਰਵਾਉਣੀ ਪਈ। ਇਸ ਦੇ ਚੱਲਦੇ ਹੁਣ ਅਦਾਕਾਰ ਦੀ ਸਿਹਤ ਨਾਲ ਜੁੜੇ ਕੁਝ ਅਪਡੇਟਸ ਸਾਹਮਣੇ ਆਏ ਹਨ। ਸ਼੍ਰੇਅਸ ਦੇ ਦੋਸਤ, ਫਿਲਮ ਮੇਕਰ ਸੋਹਮ ਸ਼ਾਹ ਨੇ ਕਿਹਾ ਕਿ ਉਹ ਹੁਣ ਠੀਕ ਹੋ ਰਹੇ ਹਨ। ਉਨ੍ਹਾਂ ਨੇ ਸ਼੍ਰੇਅਸ ਦੇ ਡਿਸਚਾਰਜ ਹੋਣ ਬਾਰੇ ਵੀ ਜਾਣਕਾਰੀ ਸਾਂਝੀ ਕੀਤੀ ਹੈ। (Shreyas Talpade Health Update)

ਅੱਜ ਸ਼ਾਮ ਜਾਂ ਭਲਕੇ ਸਵੇਰੇ ਮਿਲ ਸਕਦੀ ਛੁੱਟੀ: ਸ਼੍ਰੇਅਸ ਤਲਪੜੇ ਇਲਾਜ ਦੇ ਲਈ ਮੁੰਬਈ ਦੇ ਬੇਲੇਵਿਊ ਹਸਪਤਾਲ ਵਿੱਚ ਦਾਖਲ ਹਨ। ਅਦਾਕਾਰ ਦੀ ਸਿਹਤ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸੋਹਮ ਨੇ ਕਿਹਾ, 'ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਉਨ੍ਹਾਂ (ਸ਼੍ਰੇਅਸ ਤਲਪੜੇ) ਨੂੰ ਐਤਵਾਰ ਰਾਤ ਜਾਂ ਸੋਮਵਾਰ ਸਵੇਰੇ ਛੁੱਟੀ ਦਿੱਤੀ ਜਾ ਸਕਦੀ ਹੈ। ਜਿਸ ਰਾਤ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ, ਉਸ ਰਾਤ ਨੂੰ ਹੀ ਮੈਂ ਉਨ੍ਹਾਂ ਨੂੰ ਮਿਲਣ ਗਿਆ ਸੀ ਅਤੇ ਸ਼ੁੱਕਰਵਾਰ ਨੂੰ ਮੈਂ ਉੱਥੇ ਸੀ। ਸ਼੍ਰੇਅਸ ਨੂੰ ਆਪਣੇ ਆਪ ਵੱਲ ਵਾਪਸ ਆਉਂਦੇ ਮੁਸਕਰਾਉਂਦੇ ਹੋਏ ਅਤੇ ਮੇਰੇ ਨਾਲ ਗੱਲ ਕਰਦੇ ਦੇਖਣਾ ਇੱਕ ਬਹੁਤ ਵੱਡੀ ਰਾਹਤ ਸੀ।'

ਅਦਾਕਾਰ ਦੇ ਦੋਸਤ ਨੇ ਦਿੱਤੀ ਜਾਣਕਾਰੀ: ਸੋਹਮ ਨੇ ਸ਼੍ਰੇਅਸ ਦੀ ਪਤਨੀ ਦੀਪਤੀ ਸ਼੍ਰੇਅਸ ਤਲਪੜੇ ਦੀ ਵੀ ਤਾਰੀਫ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਉਨ੍ਹਾਂ ਦੀ ਪਤਨੀ ਨੇ ਸ਼੍ਰੇਅਸ ਦਾ ਸਹੀ ਇਲਾਜ ਕਰਵਾਉਣ ਵਿਚ ਭੂਮਿਕਾ ਨਿਭਾਈ। ਸੋਹਣ ਨੇ ਕਿਹਾ, ਧੰਨਵਾਦ ਦੀਪਤੀ। ਆਪਣੀ ਸਿਆਣਪ ਅਤੇ ਸਹੀ ਫੈਸਲੇ ਕਾਰਨ ਸ਼੍ਰੇਅਸ ਸਹੀ ਸਮੇਂ 'ਤੇ ਆਪਣਾ ਇਲਾਜ ਕਰਵਾ ਸਕੇ। ਨਵੇਂ ਜੀਵਨਦਾਨ ਤੋਂ ਬਾਅਦ, ਦੋਵਾਂ ਨੇ ਆਪਣੇ ਆਪ ਨੂੰ ਖਾਸ ਮਹਿਸੂਸ ਕੀਤਾ ਕਿਉਂਕਿ ਟ੍ਰੈਫਿਕ ਨਾਲ ਜੂਝਦੇ ਹੋਏ ਹਸਪਤਾਲ ਤੱਕ ਪਹੁੰਚਣਾ ਬਹੁਤ ਚੁਣੌਤੀਪੂਰਨ ਸੀ। ਰੱਬ ਦਾ ਸ਼ੁਕਰ ਹੈ ਕਿ ਉਹ ਠੀਕ ਹੋ ਰਿਹਾ ਹੈ। ਸਾਰਿਆਂ ਦੀਆਂ ਸ਼ੁੱਭ ਇੱਛਾਵਾਂ ਉਨ੍ਹਾਂ ਦੇ ਨਾਲ ਹਨ।