ਮੁੰਬਈ (ਬਿਊਰੋ):ਨੀਨਾ ਗੁਪਤਾ ਨੇ 'ਪੰਚਾਇਤ 3' ਦੀ ਸ਼ੂਟਿੰਗ ਪੂਰੀ ਕਰਨ ਤੋਂ ਬਾਅਦ ਪ੍ਰਾਈਮ ਵੀਡੀਓ ਨੇ ਸਭ ਤੋਂ ਉਡੀਕੇ ਜਾ ਰਹੇ ਸ਼ੋਅ ਦਾ ਪਹਿਲਾ ਲੁੱਕ ਜਾਰੀ ਕੀਤਾ ਹੈ। ਇਸ 'ਚ ਜਤਿੰਦਰ ਕੁਮਾਰ ਦੀ ਬਾਈਕ 'ਤੇ ਸਵਾਰ ਹੋਣ ਦੀ ਪਹਿਲੀ ਝਲਕ ਦੇਖਣ ਨੂੰ ਮਿਲੀ। ਫੋਟੋ ਵਿੱਚ ਅਸ਼ੋਕ ਪਾਠਕ (ਬਿਨੋਦ) ਦੇ ਨਾਲ ਉਸਦੇ ਸੀਜ਼ਨ 2 ਦੇ ਸਹਿ ਕਲਾਕਾਰ ਦੁਰਗੇਸ਼ ਕੁਮਾਰ ਅਤੇ ਬੁੱਲੂ ਕੁਮਾਰ ਵੀ ਸ਼ਾਮਲ ਹਨ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਪ੍ਰਾਈਮ ਵੀਡੀਓ ਨੇ ਕੈਪਸ਼ਨ ਲਿਖਿਆ, 'ਅਸੀਂ ਜਾਣਦੇ ਹਾਂ ਕਿ ਇਹ ਲੰਬਾ ਇੰਤਜ਼ਾਰ ਹੈ, ਇਸ ਲਈ ਅਸੀਂ ਤੁਹਾਡੇ ਲਈ ਸੈੱਟ ਤੋਂ ਕੁਝ ਲੈ ਕੇ ਆਏ ਹਾਂ। ਪੰਚਾਇਤ ਆਨ ਪ੍ਰਾਈਮ ਸੀਜ਼ਨ 3'
ਕੇਕ ਕੱਟਣ ਦੀ ਵੀਡੀਓ ਆਈ ਸਾਹਮਣੇ:'ਪੰਚਾਇਤ' 'ਚ ਮੰਜੂ ਦੇਵੀ ਦਾ ਕਿਰਦਾਰ ਨਿਭਾਉਣ ਵਾਲੀ ਨੀਨਾ ਗੁਪਤਾ ਨੇ ਤੀਜੇ ਸੀਜ਼ਨ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਉਸ ਨੇ ਸ਼ੂਟ ਨੂੰ ਸਮੇਟਣ ਦੀ ਇੱਕ ਵੀਡੀਓ ਪੋਸਟ ਕੀਤੀ ਜਿਸ ਵਿੱਚ ਸ਼ੋਅ ਦੇ ਕਲਾਕਾਰਾਂ ਅਤੇ ਅਮਲੇ ਦੇ ਨਾਲ ਕੇਕ ਕੱਟਣ ਦੀ ਰਸਮ ਵੀ ਸ਼ਾਮਲ ਸੀ। ਵੀਡੀਓ ਵਿੱਚ ਰਘੁਬੀਰ ਯਾਦਵ (ਬ੍ਰਿਜ ਭੂਸ਼ਣ ਦੂਬੇ), ਚੰਦਨ ਰਾਏ (ਵਿਕਾਸ), ਸਾਨਵਿਕਾ (ਰਿੰਕੀ), ਫੈਜ਼ਲ ਮਲਿਕ (ਪ੍ਰਹਿਲਾਦ ਪਾਂਡੇ) ਵੀ ਨਜ਼ਰ ਆਏ। ਇਸ ਨੂੰ ਸਾਂਝਾ ਕਰਦੇ ਹੋਏ ਨੀਨਾ ਗੁਪਤਾ ਨੇ ਲਿਖਿਆ, 'ਪੰਚਾਇਤ ਦੇ ਤੀਜੇ ਸੀਜ਼ਨ ਦੀ ਸਮਾਪਤੀ'।