ਚੰਡੀਗੜ੍ਹ:'ਤਾਰਿਆਂ ਦੀ ਲੋਏ', 'ਅੱਖੀਆਂ ਬੈਚੇਨ' ਵਰਗੇ ਖੂਬਸੂਰਤ ਗੀਤ ਪੰਜਾਬੀ ਮੰਨੋਰੰਜਨ ਜਗਤ ਦੀ ਚੋਲੀ ਪਾਉਣ ਵਾਲੇ ਪੰਜਾਬੀ ਗਾਇਕ ਨੱਛਤਰ ਗਿੱਲ (nachhatar gill) ਕਈ ਦਿਨਾਂ ਤੋਂ ਮੁਸ਼ਕਿਲ ਦੌਰ ਵਿੱਚ ਗੁਜ਼ਰ ਰਹੇ ਹਨ, ਕਿਉਂਕਿ ਗਾਇਕ ਦੀ ਪਤਨੀ ਦਾ ਬੀਤੇ ਸਮੇਂ ਵਿੱਚ ਦੇਹਾਂਤ ਹੋ ਗਿਆ। ਹੁਣ ਗਾਇਕ ਨੇ ਪ੍ਰਸ਼ੰਸਕਾਂ ਲਈ ਨਵੇਂ ਗੀਤਾਂ ਦਾ ਐਲਾਨ ਕੀਤਾ ਹੈ।
ਤੁਹਾਨੂੰ ਦੱਸ ਦਈਏ ਕਿ ਪਤਨੀ ਦੀ ਮੌਤ ਨੇ ਗਾਇਕ ਨੂੰ ਅੰਦਰੋਂ ਤੋੜ ਕੇ ਰੱਖ ਦਿੱਤਾ ਸੀ। ਹੁਣ ਇਹ ਪਹਿਲੀ ਵਾਰ ਹੈ ਜਦੋਂ ਗਾਇਕ ਨੇ ਗੀਤਾਂ ਬਾਰੇ ਐਲਾਨ (nachhatar gill announced new songs) ਕੀਤਾ ਹੈ।
ਦੱਸ ਦਈਏ ਕਿ ਗਾਇਕ ਨੇ ਇੰਸਟਾਗ੍ਰਾਮ ਉਤੇ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ 'ਸਤਿ ਸ੍ਰੀ ਅਕਾਲ ਜੀ...ਸਾਲ 2022 ਬਹੁਤ ਸਾਰੀਆਂ ਚੰਗੀਆਂ ਮਾੜੀਆਂ ਯਾਦਾਂ ਛੱਡ ਕੇ ਗਿਆ...ਵਾਹਿਗੁਰੂ ਜੀ ਅੱਗੇ ਅਰਦਾਸ ਕਿ 2023 ‘ਚ ਸਭ ਖੁਸ਼ ਰਹਿਣ ਤੇ ਤਰੱਕੀਆਂ ਕਰਨ…ਏਸੇ ਆਸ ਨਾਲ ਦੁਬਾਰਾ ਤੋਂ ਕੁਛ ਨਵੇਂ ਗਾਣੇ ਬਣਾ ਰਿਹਾਂ...ਉਮੀਦ ਹੈ ਪਸੰਦ ਆਉਣਗੇ...'