ਚਿਕਮਗਲੂਰ(ਕਰਨਾਟਕ) : ਕਰਨਾਟਕ ਦੀ ਇਕ ਔਰਤ ਦੀ ਇਕ ਚਿੱਠੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਹੈ। ਰਾਸ਼ਟਰਪਤੀ ਨੂੰ ਲਿਖੇ ਇਸ ਪੱਤਰ ਵਿੱਚ ਉਨ੍ਹਾਂ ਨੇ ਲਿਖਿਆ ਹੈ ਕਿ ਕਿਸ ਤਰ੍ਹਾਂ ਚਿੱਕਮਗਲੁਰੂ ਜ਼ਿਲ੍ਹੇ ਦੇ ਇੱਕ ਤੀਰਥ ਸਥਾਨ ਵਿੱਚ ਜਨਤਕ ਪਖਾਨੇ ਦੀ ਅਣਹੋਂਦ ਵਿੱਚ ਉਨ੍ਹਾਂ ਨੂੰ ਜਨਤਕ ਥਾਵਾਂ 'ਤੇ ਸ਼ੌਚ ਕਰਨ ਲਈ ਮਜ਼ਬੂਰ ਕੀਤਾ ਗਿਆ। ਸ਼ਰਧਾਲੂ ਜਾਡੇਮਾ ਨੇ ਕੰਨੜ ਭਾਸ਼ਾ ਵਿੱਚ ਇੱਕ ਪੱਤਰ ਲਿਖ ਕੇ ਆਪਣੀ ਅਜ਼ਮਾਇਸ਼ ਦਾ ਵਿਸਥਾਰ ਵਿੱਚ ਵਰਣਨ ਕੀਤਾ ਹੈ। ਉਸਨੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਤੀਰਥ ਸਥਾਨਾਂ ਜਿੱਥੇ ਲੱਖਾਂ ਲੋਕ ਆਉਂਦੇ ਹਨ, ਉੱਥੇ ਜਨਤਕ ਪਖਾਨੇ ਬਣਾਉਣ ਨੂੰ ਯਕੀਨੀ ਬਣਾਉਣ। ਉਨ੍ਹਾਂ ਇਹ ਵੀ ਕਿਹਾ ਕਿ ਰਾਸ਼ਟਰਪਤੀ ਉਨ੍ਹਾਂ ਵਰਗੀ ਔਰਤ ਲਈ ਪ੍ਰੇਰਣਾ ਅਤੇ ਵਿਸ਼ਵਾਸ ਦਾ ਪ੍ਰਤੀਕ ਹਨ। ਪੱਤਰ ਵਿੱਚ ਲਿਿਖਆ ਹੈ, ਪੱਤਰ ਦਾ ਮੁੱਖ ਮਕਸਦ ਮੇਰੇ ਵਰਗੀਆਂ ਆਮ ਔਰਤਾਂ ਦੇ ਦੁੱਖਾਂ ਨੂੰ ਸਾਹਮਣੇ ਲਿਆਉਣਾ ਹੈ। ਉਸ ਨੇ ਲਿਖਿਆ, ਕੁਝ ਦਿਨ ਪਹਿਲਾਂ ਬਾਬਾਬੁਦੰਗੀਰੀ ਦੱਤਪੀਠ, ਮੁਲੱਈਆਂਗਿਰੀ ਅਤੇ ਸੀਤਲਯਾਂਗੀਰੀ ਗਈ ਸੀ। ਇਹ ਸਾਰੇ ਹਿੰਦੂ ਤੀਰਥ ਸਥਾਨ ਹਨ। ਬਾਬਾਬੁਦੰਗੀਰੀ ਵਿੱਚ ਮੈਨੂੰ ਕੋਈ ਜਨਤਕ ਟਾਇਲਟ ਨਹੀਂ ਮਿਿਲਆ।
ਕਰਨਾਟਕ ਦੀ ਮਹਿਲਾ ਨੇ ਰਾਸ਼ਟਰਪਤੀ ਨੂੰ ਲਿਖਿਆ - 'ਇੱਕ ਵੀ ਟਾਇਲਟ ਨਹੀਂ ਮਿਲਿਆ'
ਕਰਨਾਟਕ ਦੀ ਇੱਕ ਔਰਤ ਨੇ ਪਖਾਨੇ ਦੀ ਸਮੱਸਿਆ ਨੂੰ ਲੈ ਕੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੂੰ ਪੱਤਰ ਲਿਖਿਆ ਹੈ। ਕੰਨੜ ਭਾਸ਼ਾ 'ਚ ਲਿਖੀ ਚਿੱਠੀ 'ਚ ਔਰਤ ਨੇ ਕਿਹਾ ਹੈ ਕਿ ਦੁਨੀਆ 'ਚ ਜੇਕਰ ਕੋਈ ਅਜਿਹੀ ਜਗ੍ਹਾ ਹੈ ਜਿਸ ਦੀ ਵਰਤੋਂ ਹਰ ਧਰਮ ਦੇ ਲੋਕ ਕਰਦੇ ਹਨ ਤਾਂ ਉਹ ਹੈ ਟਾਇਲਟ।
![ਕਰਨਾਟਕ ਦੀ ਮਹਿਲਾ ਨੇ ਰਾਸ਼ਟਰਪਤੀ ਨੂੰ ਲਿਖਿਆ - 'ਇੱਕ ਵੀ ਟਾਇਲਟ ਨਹੀਂ ਮਿਲਿਆ' ਕਰਨਾਟਕ ਦੀ ਮਹਿਲਾ ਨੇ ਰਾਸ਼ਟਰਪਤੀ ਨੂੰ ਲਿਖਿਆ - 'ਇੱਕ ਵੀ ਟਾਇਲਟ ਨਹੀਂ ਮਿਲਿਆ'](https://etvbharatimages.akamaized.net/etvbharat/prod-images/1200-675-18706925-thumbnail-16x9-ooo.jpg)
ਸਮੱਸਿਆਵਾਂ ਦਾ ਜ਼ਿਕਰ: ਇਸ ਤੋਂ ਬਾਅਦ ਵਿੱਚ ਮੈਂ ਸੀਥਲਾਇੰਗੀਰੀ ਉੱਤੇ ਚੜ੍ਹਿਆ ਅਤੇ ਇੱਕ ਜਨਤਕ ਟਾਇਲਟ ਦੀ ਭਾਲ ਕੀਤੀ। ਲੋੜ ਹਰ ਪਲ ਜ਼ਰੂਰਤ ਤੇਜ਼ ਹੁੰਦੀ ਰਹੀ। ਮੈਂ ਇਹ ਬਰਦਾਸ਼ਤ ਨਾ ਕਰ ਸਕੀ ਅਤੇ ਅਪਮਾਨ ਦਾ ਘੁੱਟ ਭਰ ਮੈਂ ਇੱਕ ਜਨਤਕ ਸਥਾਨ 'ਤੇ ਢਿੱਡ ਹੌਲਾ ਕੀਤਾ। ਹਰ ਰੋਜ਼ ਲੋਕ ਆਪਣੇ ਧਰਮ ਅਤੇ ਦੇਵਤਿਆਂ ਲਈ ਲੜਦੇ ਹਨ। ਪਰ, ਪਖਾਨੇ ਬਣਾਉਣ ਪ੍ਰਤੀ ਉਨ੍ਹਾਂ ਦੀ ਲਾਹਪ੍ਰਵਾਹੀ ਮੰਦਭਾਗੀ ਹੈ। ਜਦੋਂ ਅਸੀਂ ਟਾਇਲਟ ਦੀ ਲੋੜ ਮਹਿਸੂਸ ਕਰਦੇ ਹਾਂ, ਅਸੀਂ ਭੁੱਲ ਜਾਂਦੇ ਹਾਂ ਕਿ ਅਸੀਂ ਕਿਸ ਧਰਮ ਨਾਲ ਸਬੰਧਤ ਹਾਂ ਅਤੇ ਇਸ ਨੂੰ ਕਰਦੇ ਹਾਂ। ਜੇਕਰ ਦੁਨੀਆ ਵਿੱਚ ਇੱਕ ਅਜਿਹੀ ਜਗ੍ਹਾ ਹੈ ਜਿਸਦੀ ਵਰਤੋਂ ਹਰ ਧਰਮ ਦੇ ਲੋਕ ਕਰਦੇ ਹਨ, ਤਾਂ ਉਹ ਹੈ ਟਾਇਲਟ, ਤੁਸੀਂ ਵੀ ਮੇਰੇ ਵਾਂਗ ਇੱਕ ਔਰਤ ਹੋ। ਪਰ, ਤੁਹਾਨੂੰ ਮੇਰੇ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਨਹੀਂ ਕਰਨਾ ਪੈਂਦਾ ਕਿਉਂਕਿ ਤੁਸੀਂ ਸੱਤਾ ਵਿੱਚ ਹੋ ਅਤੇ ਤੁਹਾਡੇ ਕੋਲ ਤੁਹਾਡੀ ਸੇਵਾ ਕਰਨ ਲਈ ਲੋਕ ਹਨ। ਪਰ, ਪਖਾਨੇ ਦੀ ਅਣਉਪਲਬਧਤਾ ਨੇ ਮੇਰੇ ਵਰਗੀਆਂ ਔਰਤਾਂ ਦੀ ਇੱਜ਼ਤ ਨੂੰ ਘਟਾ ਦਿੱਤਾ ਹੈ। ਤੁਸੀਂ ਸਮਝ ਸਕਦੇ ਹੋ ਕਿ ਇੱਕ ਆਮ ਔਰਤ 'ਤੇ ਰੁਟੀਨ ਦੀਆਂ ਲੋੜਾਂ ਦਾ ਦਬਾਅ ਕੀ ਹੁੰਦਾ ਹੈ।