ਨਵੀਂ ਦਿੱਲੀ: ਨਿਊਜ਼ੀਲੈਂਡ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਟੈਸਟ ਮੈਚ ਖੇਡਿਆ ਜਾ ਰਿਹਾ ਹੈ। ਇਸ ਟੈਸਟ ਮੈਚ 'ਚ ਨਿਊਜ਼ੀਲੈਂਡ ਦੇ ਬੱਲੇਬਾਜ਼ ਕੇਨ ਵਿਲੀਅਮਸਨ ਦੇ ਬੱਲੇ ਅੱਗ ਉੱਗਲ ਰਿਹਾ ਹੈ। ਕੇਨ ਵਿਲੀਅਮਸਨ ਨੇ ਅਫਰੀਕਾ ਖਿਲਾਫ ਦੂਜੀ ਪਾਰੀ ਵਿੱਚ ਇੱਕ ਹੋਰ ਸੈਂਕੜਾ ਜੜਿਆ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਇਸ ਮੈਚ ਦੀ ਪਹਿਲੀ ਪਾਰੀ ਵਿੱਚ ਵੀ 118 ਦੌੜਾਂ ਬਣਾਈਆਂ ਸਨ। ਇਸ ਸੈਂਕੜੇ ਦੇ ਨਾਲ ਵਿਲੀਅਮਸਨ ਨੇ ਸਟੀਵ ਸਮਿਥ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ।
ਵਿਲੀਅਮਸਨ ਨੇ ਅਫਰੀਕਾ ਦੀ ਦੂਜੀ ਪਾਰੀ ਵਿੱਚ ਆਪਣੀ ਸ਼ਾਨਦਾਰ ਬੱਲੇਬਾਜ਼ੀ ਜਾਰੀ ਰੱਖੀ ਅਤੇ 132 ਗੇਂਦਾਂ ਵਿੱਚ 109 ਦੌੜਾਂ ਬਣਾਈਆਂ। ਉਸ ਦੀ ਸੈਂਕੜੇ ਵਾਲੀ ਪਾਰੀ ਵਿੱਚ 12 ਚੌਕੇ ਅਤੇ 1 ਛੱਕਾ ਸ਼ਾਮਲ ਸੀ। ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਇਸੇ ਮੈਚ ਦੀ ਪਹਿਲੀ ਪਾਰੀ ਵਿਚ ਉਸ ਨੇ 289 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 118 ਦੌੜਾਂ ਦੀ ਪਾਰੀ ਖੇਡੀ ਜਿਸ ਵਿਚ 16 ਚੌਕੇ ਸ਼ਾਮਲ ਸਨ। ਪਿਛਲੀਆਂ 10 ਪਾਰੀਆਂ ਵਿੱਚ ਵਿਲੀਅਮਸਨ ਦਾ ਇਹ ਛੇਵਾਂ ਸੈਂਕੜਾ ਹੈ।
ਅਫਰੀਕਾ ਖਿਲਾਫ ਆਪਣਾ 31ਵਾਂ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਕੇਨ ਵਿਲੀਅਮਸਨ ਨੇ ਸਭ ਤੋਂ ਛੋਟੀ ਪਾਰੀ 'ਚ 31 ਸੈਂਕੜੇ ਲਗਾਉਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ 'ਚ ਚੋਟੀ ਦੇ 3 'ਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਉਸ ਤੋਂ ਪਹਿਲਾਂ ਸਚਿਨ ਤੇਂਦੁਲਕਰ ਅਤੇ ਸਟੀਵ ਸਮਿਥ ਦਾ ਨਾਂ ਹੈ। ਤੇਂਦੁਲਕਰ ਨੇ ਆਪਣਾ 31ਵਾਂ ਸੈਂਕੜਾ ਪੂਰਾ ਕਰਨ ਲਈ 165 ਪਾਰੀਆਂ ਖੇਡੀਆਂ। ਇਸ ਤੋਂ ਬਾਅਦ ਆਸਟ੍ਰੇਲੀਆ ਦੇ ਸੱਜੇ ਹੱਥ ਦੇ ਬੱਲੇਬਾਜ਼ ਸਟੀਵ ਸਮਿਥ ਨੇ 170 ਪਾਰੀਆਂ 'ਚ ਆਪਣੇ 31 ਸੈਂਕੜੇ ਪੂਰੇ ਕੀਤੇ ਸਨ। ਹੁਣ ਵਿਲੀਅਮਸਨ ਨੇ ਵੀ ਸਟੀਵ ਸਮਿਥ ਦੀ ਬਰਾਬਰੀ ਕਰ ਲਈ ਹੈ ਅਤੇ 170 ਪਾਰੀਆਂ 'ਚ 31 ਸੈਂਕੜੇ ਲਗਾਉਣ ਵਾਲੇ ਤੀਜੇ ਬੱਲੇਬਾਜ਼ ਬਣ ਗਏ ਹਨ।
ਕੇਨ ਵਿਲੀਅਮਸਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 44 ਸੈਂਕੜੇ ਲਗਾਏ ਹਨ। ਉਹ ਡੇਵਿਡ ਵਾਰਨਰ, ਰੋਹਿਤ ਸ਼ਰਮਾ ਅਤੇ ਜੋ ਰੂਟ ਤੋਂ ਬਿਲਕੁਲ ਪਿੱਛੇ ਹੈ। ਡੇਵਿਡ ਵਾਰਨਰ ਦੇ ਨਾਂ 49 ਸੈਂਕੜੇ, ਰੋਹਿਤ ਸ਼ਰਮਾ ਅਤੇ ਜੋ ਰੂਟ ਦੇ ਨਾਂ 46 ਸੈਂਕੜੇ ਹਨ। ਜੇਕਰ ਵਿਲੀਅਮਸਨ ਦਾ ਬੱਲਾ ਇਸੇ ਤਰ੍ਹਾਂ ਚੱਲਦਾ ਰਿਹਾ ਤਾਂ ਉਹ ਇਨ੍ਹਾਂ ਖਿਡਾਰੀਆਂ ਨੂੰ ਕਿਸੇ ਸਮੇਂ ਪਿੱਛੇ ਛੱਡ ਦੇਵੇਗਾ। ਹਾਲਾਂਕਿ ਵਿਰਾਟ ਕੋਹਲੀ ਉਨ੍ਹਾਂ ਤੋਂ ਕਾਫੀ ਅੱਗੇ ਹਨ।
