ਨਵੀਂ ਦਿੱਲੀ:IPL 2024 ਦਾ 47ਵਾਂ ਮੈਚ ਕੋਲਕਾਤਾ ਬਨਾਮ ਮੁੰਬਈ ਵਿਚਾਲੇ ਖੇਡਿਆ ਗਿਆ। ਇਸ ਮੈਚ ਵਿੱਚ ਕੋਲਕਾਤਾ ਨੇ ਦਿੱਲੀ ਨੂੰ ਹਰਾ ਕੇ ਜਿੱਤ ਦਰਜ ਕੀਤੀ ਹੈ। ਕੋਲਕਾਤਾ ਦੀ ਸੀਜ਼ਨ ਦੀ ਇਹ ਛੇਵੀਂ ਜਿੱਤ ਹੈ। ਇਸ ਨਾਲ ਕੋਲਕਾਤਾ ਨੇ ਅੰਕ ਸੂਚੀ ਵਿਚ ਦੂਜੇ ਨੰਬਰ 'ਤੇ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਦਿੱਲੀ ਨੇ 20 ਓਵਰਾਂ ਵਿੱਚ 9 ਵਿਕਟਾਂ ਗੁਆ ਕੇ 153 ਦੌੜਾਂ ਬਣਾਈਆਂ। ਜਿਸ ਨੂੰ ਕੋਲਕਾਤਾ ਨੇ 16.3 ਓਵਰਾਂ 'ਚ 3 ਵਿਕਟਾਂ ਗੁਆ ਕੇ ਹਾਸਲ ਕਰ ਲਿਆ।
ਪੂਰੀ ਦਿੱਲੀ ਦੀ ਟੀਮ ਰਹੀ ਫਲਾਪ : ਕੋਲਕਾਤਾ ਖਿਲਾਫ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਦਿੱਲੀ ਦੀ ਪੂਰੀ ਟੀਮ ਫਲਾਪ ਰਹੀ। ਕੁਲਦੀਪ ਯਾਦਵ ਦੀਆਂ ਅਜੇਤੂ 35 ਦੌੜਾਂ ਨੂੰ ਛੱਡ ਕੇ ਕੋਈ ਵੀ ਬੱਲੇਬਾਜ਼ ਖਾਸ ਦੌੜਾਂ ਨਹੀਂ ਬਣਾ ਸਕਿਆ। ਪਿਛਲੇ ਕੁਝ ਮੈਚਾਂ 'ਚ ਦਿੱਲੀ ਦੀ ਸ਼ਾਨ ਰਹੇ ਜੈਕ ਫਰੇਜ਼ਰ ਵੀ ਇਸ ਮੈਚ 'ਚ 7 ਗੇਂਦਾਂ ਖੇਡ ਕੇ 12 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਇਸ ਤੋਂ ਇਲਾਵਾ ਰਿਸ਼ਭ ਪੰਤ 27 ਦੌੜਾਂ, ਪ੍ਰਿਥਵੀ ਸ਼ਾਅ 13, ਅਭਿਸ਼ੇਕ ਪੋਰੇਲ 18, ਸ਼ੋਏ ਹੋਪ 6 ਦੌੜਾਂ ਬਣਾ ਕੇ ਆਊਟ ਹੋਏ। ਕੋਲਕਾਤਾ ਲਈ ਵਰੁਣ ਚੱਕਰਵਰਤੀ ਨੇ 3 ਅਤੇ ਹਰਸ਼ਿਤ ਰਾਣਾ ਨੇ 2 ਵਿਕਟਾਂ ਲਈਆਂ।