ਮੁੰਬਈ: ਸੰਜੇ ਲੀਲਾ ਭੰਸਾਲੀ ਦੀ ਸੀਰੀਜ਼ 'ਹੀਰਾਮੰਡੀ' ਅੱਜ 1 ਮਈ ਨੂੰ ਨੈੱਟਫਲਿਕਸ 'ਤੇ ਸਟ੍ਰੀਮ ਕਰ ਰਹੀ ਹੈ। ਹਾਲ ਹੀ 'ਚ ਲਾਸ ਏਂਜਲਸ ਦੇ ਇਤਿਹਾਸਕ ਮਿਸਰੀ ਥੀਏਟਰ 'ਚ 'ਹੀਰਾਮੰਡੀ' ਦਾ ਪ੍ਰੀਮੀਅਰ ਹੋਇਆ। ਸੀਰੀਜ਼ ਦੇ ਪ੍ਰੀਮੀਅਰ ਤੋਂ ਬਾਅਦ ਨਿਰਦੇਸ਼ਕ ਨੇ ਆਪਣੀ ਡੈਬਿਊ ਸੀਰੀਜ਼ ਨਾਲ ਜੁੜੀਆਂ ਖਾਸ ਗੱਲਾਂ 'ਤੇ ਵੀ ਚਰਚਾ ਕੀਤੀ। ਇਸ ਗੱਲਬਾਤ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਪਹਿਲਾਂ ਇਸ ਸੀਰੀਜ਼ ਦੀ ਸਟਾਰ ਕਾਸਟ ਦੀ ਚੋਣ 'ਚ ਵੱਡੇ-ਵੱਡੇ ਨਾਂ ਸਨ।
ਟੀਵੀ ਹੋਸਟ ਲਿਲੀ ਸਿੰਘ ਨਾਲ ਗੱਲ ਕਰਦੇ ਹੋਏ ਸੰਜੇ ਲੀਲਾ ਭੰਸਾਲੀ ਨੇ ਦੱਸਿਆ ਕਿ ਉਹ ਇਸ ਸੀਰੀਜ਼ 'ਚ ਰੇਖਾ, ਰਾਣੀ ਮੁਖਰਜੀ ਅਤੇ ਕਰੀਨਾ ਨੂੰ ਕਾਸਟ ਕਰਨਾ ਚਾਹੁੰਦੇ ਸਨ। ਇਸ ਦੇ ਨਾਲ ਹੀ ਇਸ ਸੀਰੀਜ਼ ਲਈ ਨਿਰਦੇਸ਼ਕ ਦੇ ਧਿਆਨ 'ਚ ਪਾਕਿਸਤਾਨੀ ਕਲਾਕਾਰਾਂ 'ਚ ਸ਼ਾਹਰੁਖ ਖਾਨ ਦੀ ਫਿਲਮ 'ਰਈਸ' ਫੇਮ ਅਦਾਕਾਰਾ ਮਾਹਿਰਾ ਖਾਨ ਅਤੇ ਪਾਕਿਸਤਾਨੀ ਕਲਾਕਾਰ ਫਵਾਦ ਖਾਨ, ਇਮਰਾਨ ਅੱਬਾਸ ਦੇ ਨਾਂਅ ਵੀ ਸਟਾਰ ਕਾਸਟ 'ਚ ਸ਼ਾਮਲ ਸਨ।