ਮੁੰਬਈ (ਬਿਊਰੋ): ਪਰਿਣੀਤੀ ਚੋਪੜਾ ਅਤੇ ਦਿਲਜੀਤ ਦੁਸਾਂਝ ਦੀ ਨਵੀਂ ਫਿਲਮ ਅਮਰ ਸਿੰਘ ਚਮਕੀਲਾ ਓਟੀਟੀ ਪਲੇਟਫਾਰਮ 'ਤੇ ਰਿਲੀਜ਼ ਹੋ ਗਈ ਹੈ। ਦੋਵੇਂ ਕਲਾਕਾਰਾਂ ਨੂੰ ਅਦਾਕਾਰੀ ਲਈ ਖੂਬ ਤਾਰੀਫਾਂ ਮਿਲ ਰਹੀਆਂ ਹਨ। ਹਾਲ ਹੀ 'ਚ ਪਰਿਣੀਤੀ ਨੇ ਇੱਕ ਇੰਟਰਵਿਊ 'ਚ ਆਪਣੇ ਕਿਰਦਾਰ ਬਾਰੇ ਖੁਲਾਸਾ ਕੀਤਾ ਹੈ। ਉਸ ਨੇ ਦੱਸਿਆ ਕਿ ਇਸ ਕਿਰਦਾਰ ਲਈ ਉਸ ਨੂੰ ਕਾਫੀ ਭਾਰ ਵਧਾਉਣਾ ਪਿਆ ਹੈ। ਉਸ ਦੇ ਇਸ ਬਿਆਨ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਲੋਕਾਂ ਨੇ ਇਸ ਦੀ ਆਲੋਚਨਾ ਕੀਤੀ ਹੈ।
ਜੀ ਹਾਂ...ਪਰਿਣੀਤੀ ਚੋਪੜਾ ਦਾ ਇੱਕ ਇੰਟਰਵਿਊ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਅਦਾਕਾਰਾ ਆਪਣੇ ਕਿਰਦਾਰ ਦੇ ਅਨੁਭਵ ਬਾਰੇ ਗੱਲ ਕਰਦੀ ਨਜ਼ਰ ਆ ਰਹੀ ਹੈ। ਵਾਇਰਲ ਵੀਡੀਓ ਵਿੱਚ ਇਮਤਿਆਜ਼ ਅਲੀ ਦਾ ਕਹਿਣਾ ਹੈ ਕਿ ਪਰਿਣੀਤੀ ਨੇ ਸਿਰਫ਼ ਸੱਤ ਤੋਂ ਦਸ ਕਿਲੋਗ੍ਰਾਮ ਵਜ਼ਨ ਹੀ ਵਧਾਇਆ ਹੈ। ਇਸ ਤੋਂ ਇਲਾਵਾ ਪਰਿਣੀਤੀ ਚੋਪੜਾ ਵੱਲੋਂ ਬਿਨਾਂ ਮੇਕਅੱਪ ਦੇ 'ਸਭ ਤੋਂ ਖ਼ਰਾਬ' ਦਿਖਣ ਅਤੇ ਅਮਰਜੋਤ ਕੌਰ ਦੇ ਤੌਰ 'ਤੇ ਕੀਤੇ ਗਏ ਬਿਆਨ ਨੇ ਕਈ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਲੋਕਾਂ ਦਾ ਮੰਨਣਾ ਹੈ ਕਿ ਉਹ ਹਰ ਇੰਟਰਵਿਊ ਵਿੱਚ ‘ਮੈਂ ਸਭ ਤੋਂ ਭੈੜੀ ਲੱਗਦੀ ਹਾਂ’ ਵਰਗੀਆਂ ਗੱਲਾਂ ਕਹਿ ਕੇ ਅਮਰਜੋਤ ਕੌਰ ਦਾ ਅਪਮਾਨ ਕਰ ਰਹੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ, 'ਪਰਿਣੀਤੀ, ਕਿਰਪਾ ਕਰਕੇ ਆਪਣੇ ਵਧਦੇ ਭਾਰ ਨੂੰ ਜਾਇਜ਼ ਠਹਿਰਾਉਣ ਲਈ ਕਿਸੇ ਹੋਰ ਨੂੰ ਖਿੱਚਣਾ ਬੰਦ ਕਰੋ ਅਤੇ ਆਪਣੇ ਬਾਰੇ ਚੰਗਾ ਮਹਿਸੂਸ ਕਰੋ।'
ਇੱਕ ਹੋਰ ਨੇ ਟਿੱਪਣੀ ਕੀਤੀ ਅਤੇ ਲਿਖਿਆ, 'ਮੈਂ ਅਮਰਜੋਤ ਕੌਰ ਨੂੰ ਗੂਗਲ 'ਤੇ ਸਰਚ ਕੀਤਾ, ਉਹ ਮੋਟੀ ਨਹੀਂ ਹੈ ਜਾਂ ਬਦਸੂਰਤ ਨਹੀਂ ਲੱਗਦੀ। ਇਹ ਔਰਤ ਬਹਾਨੇ ਬਣਾਉਂਦੀ ਹੈ ਅਤੇ ਹਰ ਉਸ ਚੀਜ਼ ਲਈ ਦੋਸ਼ੀ ਠਹਿਰਾਉਂਦੀ ਹੈ ਜੋ ਉਸਦੀ ਜ਼ਿੰਦਗੀ ਵਿੱਚ ਸਹੀ ਨਹੀਂ ਹੁੰਦਾ।' ਇੱਕ ਯੂਜ਼ਰ ਨੇ ਇਹ ਵੀ ਦੱਸਿਆ ਕਿ ਇਮਤਿਆਜ਼ ਨੇ ਪਹਿਲਾਂ ਜੋ ਕਿਹਾ ਸੀ, ਉਹ ਪਰਿਣੀਤੀ ਦੀ ਗੱਲ ਦੇ ਉਲਟ ਸੀ।
ਫਿਲਮ ਅਮਰ ਸਿੰਘ ਚਮਕੀਲਾ ਦਾ ਨਿਰਦੇਸ਼ਨ ਇਮਤਿਆਜ਼ ਅਲੀ ਨੇ ਕੀਤਾ ਹੈ। ਇਹ 12 ਅਪ੍ਰੈਲ ਨੂੰ ਨੈੱਟਫਲਿਕਸ 'ਤੇ ਸਟ੍ਰੀਮ ਕੀਤੀ ਗਈ ਹੈ। ਲੋਕ ਇਸ ਫਿਲਮ ਨੂੰ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਫਿਲਮ ਨੂੰ ਦੇਸ਼ ਵਿਦੇਸ਼ ਤੋਂ ਤਾਰੀਫ਼ ਮਿਲ ਰਹੀ ਹੈ। ਫਿਲਮ ਦੇ ਸੰਗੀਤ ਨੇ ਪ੍ਰਸ਼ੰਸਕਾਂ ਦਾ ਕਾਫੀ ਧਿਆਨ ਖਿੱਚਿਆ ਹੈ।
