ਕੇਰਲ 'ਚ ਜੰਗਲੀ ਹਾਥੀ ਦੇ ਹਮਲੇ ਵਿੱਚ ਨਿਊਜ਼ ਚੈਨਲ ਦੇ ਕੈਮਰਾਮੈਨ ਦੀ ਮੌਤ - elephant attack cameraman killed

Kerala elephant attack cameraman killed: ਕੇਰਲ ਵਿੱਚ ਜੰਗਲੀ ਹਾਥੀ ਹਿੰਸਾ ਦੇ ਕਈ ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ ਹਾਥੀਆਂ ਦੀ ਪਰੇਸ਼ਾਨੀ ਨੂੰ ਰੋਕਣ ਲਈ ਵੀ ਉਪਾਅ ਕੀਤੇ ਜਾਂਦੇ ਹਨ।

ਕੇਰਲ/ਪਲੱਕੜ:ਕੇਰਲ ਦੇ ਕੁਝ ਹਿੱਸਿਆਂ ਵਿੱਚ ਜੰਗਲੀ ਹਾਥੀਆਂ ਦਾ ਆਤੰਕ ਹੈ। ਉਹ ਕਿਸਾਨਾਂ ਦੀਆਂ ਫ਼ਸਲਾਂ ਨੂੰ ਤਬਾਹ ਕਰ ਦਿੰਦੇ ਹਨ। ਇਨ੍ਹਾਂ ਜੰਗਲੀ ਹਾਥੀਆਂ ਦੇ ਹਮਲੇ ਵਿੱਚ ਅੱਜ ਇੱਕ ਕੈਮਰਾਮੈਨ ਦੀ ਮੌਤ ਹੋ ਗਈ। ਜਦੋਂ ਇਹ ਘਟਨਾ ਵਾਪਰੀ ਤਾਂ ਕੈਮਰਾਮੈਨ ਇਨ੍ਹਾਂ ਜੰਗਲੀ ਹਾਥੀਆਂ ਦੀ ਸ਼ੂਟਿੰਗ ਕਰ ਰਿਹਾ ਸੀ। ਇਹ ਦਰਦਨਾਕ ਘਟਨਾ ਨਿਊਜ਼ ਚੈਨਲ ਦੇ ਕੈਮਰਾਮੈਨ ਏ.ਵੀ ਮੁਕੇਸ਼ (34) ਨਾਲ ਵਾਪਰੀ।

ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਉਹ ਕੋਟੇਕਾਡ, ਪਲੱਕੜ ਵਿੱਚ ਜੰਗਲੀ ਹਾਥੀਆਂ ਦੇ ਸੀਨ ਦੀ ਸ਼ੂਟਿੰਗ ਕਰ ਰਿਹਾ ਸੀ। ਇਹ ਸਥਾਨ ਜੰਗਲੀ ਜਾਨਵਰਾਂ ਦੇ ਹਮਲਿਆਂ ਲਈ ਜਾਣਿਆ ਜਾਂਦਾ ਹੈ। ਉਹ ਦਰਿਆ ਪਾਰ ਕਰਦੇ ਜੰਗਲੀ ਹਾਥੀਆਂ ਦੀਆਂ ਤਸਵੀਰਾਂ ਲੈ ਰਿਹਾ ਸੀ। ਅਚਾਨਕ ਇੱਕ ਹਾਥੀ ਨੇ ਉਸ 'ਤੇ ਹਮਲਾ ਕਰ ਦਿੱਤਾ। ਭੱਜਣ ਦੀ ਕੋਸ਼ਿਸ਼ ਕਰਦੇ ਹੋਏ ਉਹ ਡਿੱਗ ਗਿਆ। ਫਿਰ ਜੰਗਲੀ ਜਾਨਵਰ ਨੇ 34 ਸਾਲਾ ਵਿਅਕਤੀ ਨੂੰ ਜ਼ਖਮੀ ਕਰ ਦਿੱਤਾ। ਉਸ ਨੂੰ ਤੁਰੰਤ ਪਲੱਕੜ ਜ਼ਿਲ੍ਹਾ ਹਸਪਤਾਲ ਲਿਜਾਇਆ ਗਿਆ, ਪਰ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਿਆਂ ਉਸ ਦੀ ਮੌਤ ਹੋ ਗਈ।

ਇਸ ਦੌਰਾਨ ਰਿਪੋਰਟਰ ਅਤੇ ਡਰਾਈਵਰ ਹਮਲੇ ਤੋਂ ਭੱਜਣ ਵਿੱਚ ਕਾਮਯਾਬ ਹੋ ਗਏ। ਮੁਕੇਸ਼ ਊਨੀ ਅਤੇ ਦੇਵੀ ਦਾ ਪੁੱਤਰ ਸੀ, ਜੋ ਪਰੱਪਨੰਗੜੀ ਚੇਟੀਪੜੀ, ਮਲੱਪੁਰਮ ਦੇ ਮੂਲ ਨਿਵਾਸੀ ਸਨ। ਉਹ ਆਪਣੇ ਪਿੱਛੇ ਪਤਨੀ ਟਿਸ਼ਾ ਛੱਡ ਗਿਆ ਹੈ। ਉਸ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਪਲੱਕੜ ਜ਼ਿਲ੍ਹਾ ਹਸਪਤਾਲ ਵਿੱਚ ਰੱਖਿਆ ਗਿਆ ਹੈ। ਦਿੱਲੀ ਬਿਊਰੋ ਵਿੱਚ ਲੰਮਾ ਸਮਾਂ ਕੰਮ ਕਰਨ ਤੋਂ ਬਾਅਦ ਉਹ ਕੇਰਲ ਪਰਤਿਆ। ਪਿਛਲੇ ਸਾਲ ਪਲੱਕੜ ਬਿਊਰੋ ਵਿਚ ਸ਼ਾਮਲ ਹੋਏ। ਉਸ ਨੇ 'ਸਰਵਾਈਵਲ' ਨਾਮਕ ਕਾਲਮ ਵਿੱਚ 100 ਤੋਂ ਵੱਧ ਲੇਖ ਪ੍ਰਕਾਸ਼ਿਤ ਕੀਤੇ, ਜੋ ਹਾਸ਼ੀਏ 'ਤੇ ਪਏ ਲੋਕਾਂ ਨੂੰ ਉਜਾਗਰ ਕਰਦੇ ਸਨ।