ନୂଆଦିଲ୍ଲୀ: ସାରା ଦେଶରେ ନୂଆ କୃଷି ଆଇନକୁ ନେଇ ପ୍ରତିବାଦ ଚାଲିଥିବାବେଳେ ଆଜି କୃଷକ ଦିବସରେ ଦେଖିବାକୁ ମିଳିଛି ଏକ ବିରଳ ଘଟଣା । ଦିଲ୍ଲୀ-ଉତ୍ତର ପ୍ରଦେଶ ସୀମାସ୍ଥିତ ଗାଜିପୁର ସୀମାରେ କୃଷକ ନେତା ତେଜେନ୍ଦ୍ର ସିଂ ରକ୍ତରେ ଚିଠି ଲେଖି ଦେଶବାସୀଙ୍କୁ କୃଷକ ଆନ୍ଦୋଳନକୁ ସମର୍ଥନ କରିବାକୁ ନିବେଦନ କରିଛନ୍ତି ।
ତେଜେନ୍ଦ୍ର ସିଂ ଉକ୍ତ ଚିଠିରେ ଲେଖିଛନ୍ତି ଯେ ଯେଉଁମାନେ ଭାରତ ମାତାକୁ ଖାଇବାକୁ ଦିଅନ୍ତି, ସେମାନେ ଆଜି ଭୋକରେ ରାଜରାସ୍ତାରେ ପଡିବାକୁ ବାଧ୍ଯ ହୋଇଛନ୍ତି । ତେଣୁ ବର୍ତ୍ତମାନ ଦେଶବାସୀ ସେମାନଙ୍କ ସମର୍ଥନରେ ବାହାରିବାର ଆବଶ୍ୟକତା ଅଛି । ଆଜିର କୃଷକ ଦିବସ ଅବସରରେ ଏକବକ୍ତ ଭୋଜନ ଛାଡି କୃଷକ ଆନ୍ଦୋଳନକୁ ସମର୍ଥନ ଦେବାକୁ ସେ ଦେଶବାସୀଙ୍କୁ ଉକ୍ତ ଚିଠି ମାଧ୍ୟରେ ନିବେଦନ କରିଥିବା ଜଣାପଡିଛି ।
କୃଷକ ଆନ୍ଦୋଳନକୁ ସମର୍ଥନ ପାଇଁ ଦେଶବାସୀଙ୍କୁ ରକ୍ତରେ ଚିଠି ଲେଖିଲେ ଚାଷୀ ନେତା