പാലക്കാട് വരോട് വിദ്യാർഥി ഉൾപ്പെടെ മൂന്നുപേർക്ക്‌ തെരുവുനായയുടെ കടിയേറ്റു
പാലക്കാട്: വരോട് മേഖലയിൽ വിദ്യാർഥി ഉൾപ്പെടെ മൂന്നുപേർക്ക്‌ തെരുവുനായയുടെ കടിയേറ്റു. വരോട് സ്വദേശികളായ തോട്ടത്തൊടി വീട്ടിൽ മെഹതാബ് (11), വടക്കേതിൽ ഹുസൻ (58), പുളിക്കൽ വിജയൻ (40) എന്നിവർക്കാണ്‌ തെരുവുനായയുടെ കടിയേറ്റത്. ഇത് പേപ്പട്ടിയാണെന്നും സംശയിക്കുന്നു.
തെരുവുനായ ആക്രമണം വ്യാപിക്കുന്നു; വരോട് മൂന്ന് പേര്‍ക്ക് കടിയേറ്റു
മദ്രസയിലേക്ക്‌ പോകുന്നതിനിടെയാണ്‌ തെരുവുനായ മെഹതാബിനെ ആക്രമിച്ചത്‌. മറ്റു രണ്ടുപേരും ജോലിക്ക്‌ പോകുകയായിരുന്നു. കടിയേറ്റ മൂന്നുപേരെയും ആശുപത്രികളിലെത്തിച്ച്‌ വാക്‌സിൻ കുത്തിവച്ചു.