കണ്ണൂര്‍: കണ്ണൂര്‍ നഹർ ആർട്സ് ആൻഡ് സയൻസ് കോളജിൽ വിദ്യാർഥിയെ റാഗിങ് ചെയ്ത കേസിൽ ആറ് സീനിയർ വിദ്യാർഥികള്‍ അറസ്‌റ്റില്‍. സീനിയർ വിദ്യാർഥികളായ ടി മുഹമ്മദ് റാഷദ്, കെ എം മുഹമ്മദ് തമീം, അബ്ദുല്‍ ഖാദർ, മുഹമ്മദ് മുസമിൽ, മുഹമ്മദ് മുഹദിസ്, മുഹമ്മദ് സഫ്വാൻ എന്നിവരെയാണ് റാഗിങ് നിരോധന നിയമം അനുസരിച്ച് അറസ്റ്റു ചെയ്തത്‌.
കണ്ണൂര്‍ കോളജ് റാഗിങ്; ആറ് വിദ്യാര്‍ഥികള്‍ അറസ്‌റ്റില്‍
റാഗിങ് നിരോധന നിയമത്തിലെ വിവിധ വകുപ്പുകൾ, സംഘം ചേർന്ന് ആക്രമിക്കൽ തുടങ്ങിയ കുറ്റങ്ങൾ ചുമത്തിയാണ് അറസ്റ്റ്. റാഗിങ് നിരോധന നിയമത്തിലെ വകുപ്പുകൾ ചുമത്തിയതിനെ തുടര്‍ന്ന് പ്രതികൾക്ക് ജാമ്യം ലഭിക്കാനിടയില്ല. കേസിൽ പ്രതികളായതോടെ കോളജ് അധികൃതര്‍ക്കും വിദ്യാർഥികൾക്കെതിരെ നടപടി സ്വീകരിക്കേണ്ടിവരും.